გეგმური სარეაბილიტაციო სამუშაოების გამო, „ენერგო-პრო ჯორჯიას” აბონენტების ნაწილს ელექტროენერგიის მიწოდება შეეზღუდება. კომპანიის ინფორმაციით, ქსელის გეგმური სარეაბილიტაციო სამუშაოების გამო, 8 სექტემბერს 11:00-დან 12:00 საათამდე ელექტროენერგიის მიწოდება შეეზღუდება აბონენტებს დუშეთის რაიონის სოფლებში - მაღაროსკარი, ზემო ხორხი, ნეძისი, მიგრიაულთა, თხილიანა, როშა, წიფრანი, შარახევი და მიმდებარე სოფლებში; 11:15-დან 19:00 საათამდე სოფელ გლდანსა და თიანეთის გზატკეცილზე; 13:30-დან 15:30 საათამდე აბონენტებს ზაჰესში. მათივე ინფორმაციით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.