ევროკავშირის ელჩი საქართველოში: ავღანეთიდან ევაკუაციის მხრივ გაწეული მხარდაჭერისთვის საქართველოს მადლობას უხდის, - ამ სათაურით სტატია პოლონურ საინფორმაციო ელექტრონულ პორტალზე „KRESY24" განთავსდა.

სტატიაში ნათქვამია, რომ საქართველოში ევროკავშირის ელჩმა, კარლ ჰარცელმა მადლობა გადაუხადა საქართველოს ავღანეთიდან ხალხის ევაკუაციის დროს გაწეული მხარდაჭერისთვის და მსგავსი განცხადება გააკეთა საქართველოში აშშ-ს ელჩმაც.

„საქართველომ დადებითად უპასუხა რამდენიმე საერთაშორისო ორგანიზაციის (კერძოდ, „დემოკრატიის ეროვნული ფონდის“, „საერთაშორისო რესპუბლიკური ინსტიტუტი“, „საერთაშორისო სავალუტო ფონდი“, „მსოფლიო ბანკის“) თხოვნას, მათი პერსონალის ევაკუაციაში დახმარების გაწევისა და შესაბამისად, საქართველოს ტერიტორიაზე დროებითი განთავსების თაობაზე. თბილისის აეროპორტში განლაგებული იყო ნატოს თვითმფრინავები, რომლებიც ყოველდღიურად დაფრინავდნენ ქაბულში და 2000-მდე ადამიანის ევაკუაცია განხორციელდა“, - აღნიშნულია სტატიაში.

ადგილობრივმა მედიამ ასევე გააშუქა ინფორმაცია, რომ პოლონეთის საგარეო საქმეთა სამინისტრო ავღანეთიდან ევაკუაციაში დახმარებისთვის საქართველოს ხელისუფლებას მადლობას უხდის.

ინფორმაციას საქართველოს საგარეო საქმეთა სამინისტრო ავრცელებს.