ჩვენს ქვეყანაში კონსტიტუციური ცვლილებები კი არა, ხელისუფლების ცვლილებაა საჭირო, - ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ განაცხადა.
მისი თქმით, „ქართული ოცნება“ ვერ აცნობიერებს იმას, რომ ქართველი ხალხი მთავრობას უნდობლობას გამოუცხადებს და პროტესტს ქუჩაში გამოხატავს.
„ცეცხლს ეთამაშება "ოცნების" მესაფლავე და ჯერ ვერ გაუგია. პარლამენტის მიერ გამოცხადებული მთავრობის უნდობლობა კი არ არის საშიში, საშიში მაშინ ხდება, როდესაც ხალხი აცხადებს უნდობლობას და ქუჩაში გამოდის, არადა, აქეთ მიაქანებს ყველაფერს კობახიძე. მოკლედ, ჩვენს ქვეყანაში კონსტიტუციური ცვლილებები კი არა, ხელისუფლების ცვლილებაა საჭირო. იმ "ქართული ოცნების" ცვლილება, რომლის პირველი პირები 3 მილიარდით ისე გამოძღნენ, 75 მილიონს ფულად აღარ თვლიან, მითუმეტეს ისეთ გაღარიბებულ ქვეყანაში, სადაც ეკონომიკისთვის ყველა თეთრი მნიშვნელოვანია ხალხმა სული რომ მოითქვას, სამუშაო ადგილები რომ შექმნას“,-აცხადებს დავით ჭიჭინაძე.
დავით ჭიჭინაძის კომენტარს „ტრიბუნას“ პრესსამსახური ავრცელებს.