გიგი უგულავა - ღარიბაშვილი რამდენს ილაპარაკებს, იმდენ ღრმა სისულელეს ამბობს - ჩვენ უნდა ვისწავლოთ, რომ ფოთში „ხელის ბიჭი“ მერი არ იქნება

დღევანდელი მთავრობა დადის და 10-წლიანი გეგმა ფურცელზე დაწერეს, კონსულტანტებმა უთხრეს, რომ აუცილებელია, იმიტომ რომ ხალხი თვლის: თქვენ ხართ იდიოტები, არ გაქვთ ხედვა. ღარიბაშვილი რამდენს ილაპარაკებს, იმდენ ღრმა სისულელეს ამბობს, - ამის შესახებ ფოთში ოპოზიციის ნაწილის მერობის კანდიდატმა გიგი უგულავამ ტელეკომპანია „პალიტრანიუსის“ გადაცემა „ნიუსრუმში“ განაცხადა.

როგორც უგულავამ აღნიშნა, ის განვითარება, რაც „ვარდების რევოლუციას“ ქვეყანაში მოჰყვა, ფოთს, ასე ვთქვათ, გვერდზე ჩაუარა.

„ქართული ოცნების“ ეპოქაში არსებითად არაფერი შეცვლილა, ჩვეულებრივადაა: ამოქაჩო ფული და არაფერი არ დააბრუნო. „ოცნების“ პირობებში ყველაფერი, როგორც სხვა ქალაქების მსგავსად კეთდება ნელა და უხარისხოდ. უნიკალური შესაძლებლობებია, მაგრამ ამას თავმოყრა, მათ შორის ცენტრალურ ხელისუფლებასთან მიმართებით „რკინის ხელი“ სჭირდება. დადგა დრო, საქართველოში მთლიანად მმართველობა ამოვაყირავოთ და თუ აქამდე ვირჩევდით: მეფეს, იმპერატორს, პრეზიდენტს ახლა თუ გვინდა, რომ სახელმწიფო ამუშავდეს რეგიონებიდან უნდა წამოვიდეს ეს ყველაფერი და რეგიონებში უნდა იყოს ძლიერი პოლიტიკა.

ფოთელებს მინდა ვუთხრა, რეფერენდუმი იყო პირველი ამოცანა, რადგან ფოთში წამოვედი. დღევანდელი მთავრობა დადის და 10-წლიანი გეგმა ფურცელზე დაწერეს, კონსულტანტებმა უთხრეს, რომ აუცილებელია, იმიტომ რომ ხალხი თვლის, თქვენ ხართ იდიოტები, არ გაქვთ ხედვა. ახლა რაღაც დაწერეს და უფრო დიდ სისულელეს ლაპარაკობენ. ღარიბაშვილი რამდენს ილაპარაკებს, იმდენ ღრმა სისულელეს ამბობს. მე მართლა გამარჯვებას ვაპირებ, რადგან ეს არჩევნები რეფერენდუმიცაა. „ქართული ოცნება“ ვერ იტანს ვერავის. ჩვენ უნდა ვისწავლოთ, რომ აქ „ხელის ბიჭი“ მერი არ იქნება, არამედ იქნება მერი, რომელიც შეიძლება კონფლიქტშიც შევიდეს ცენტრალურ ხელისუფლებასთან, ქალაქის სასიკეთოდ უყვიროს კიდეც და მაგიდაზეც დაურტყას ხელი“, - განაცხადა უგულავამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს