მარიამ ქვრივიშვილი პორტუგალიაში მსოფლიო ტურიზმის მინისტერიალში მიიღებს მონაწილეობას

გაერო-ს მსოფლიოს ტურიზმის ღვინის ტურიზმის რიგით მეხუთე გლობალური კონფერენცია პორტუგალიაში ოფიციალურად გაიხსნა, რომლის ფარგლებში მაღალი რანგის მინისტერიალი გაიმართება. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

მათივე ცნობით, მინისტერიალზე მსოფლიოში ღვინის ტურიზმის წამყვანი ქვეყნების - ესპანეთის, საფრანგეთის, იტალიის, პორტუგალიისა და საბერძნეთის წარმომადგენლებთან ერთად, მოხსენებას გააკეთებს საქართველოს ეკონომიკისა და მდგრადი განვითარების მინისტრის მოადგილე მარიამ ქვრივიშვილი.

კონფერენციაზე ღვინის ტურიზმის მნიშვნელობა, კოვიდ პანდემიის პირობებში უსაფრთხო ტურიზმის აღდგენა და გლობალური გამოწვევები განიხილება. კონფერენცია გაერო-ს ტურიზმის ორგანიზაციის გენერალურმა მდივანმა ზურაბ პოლოლიკაშვილმა გახსნა.

საქართველოს დელეგაციას ასევე წარმოადგენენ ტურიზმის ეროვნული ადმინისტრაციის ხელმძღვანელის მოვალეობის შემსრულებელი მედეა ჯანიაშვილი და ამავე უწყების ხელმძღვანელის მოადგილე თამარ ყორიაული.

„გაერო-ს მსოფლიო ტურიზმის ორგანიზაციის რიგით მე-5 კონფერენციაში მონაწილეობით მოხდება საქართველოს, როგორც ღვინის ტურიზმის ქვეყნის, მეტი პოპულარიზება. ჩვენ მონაწილეობას მივიღებთ მაღალი რანგის მინისტერიალში, სადაც ვისაუბრებთ საქართველოს ღვინის კულტურის, ღვინის ტურიზმისა და ზოგადად, ჩვენი ქვეყნის ტურიზმის პოტენციალის შესახებ. კონფერენციის ფარგლებში დაგეგმილი გვაქვს მაღალი რანგის ორმხრივი შეხვედრების გამართვა სხვადასხვა ქვეყნების ტურიზმის მინისტრებთან, რომლის დროსაც ვიმსჯელებთ, როგორ შევძლოთ, კოვიდ 19-ის მიუხედავად, ერთობლივი ძალებით ჩვენი ქვეყნების ტურიზმისა და ავიაციის სექტორების განვითარება,“ - განაცხადა მარიამ ქვრივიშვილმა.

ტურიზმის ეროვნული ადმინისტრაციის ხელმძღვანელის მოვალეობის შემსრულებლის მედეა ჯანიაშვილის განცხადებით, მაღალი რანგის კონფერენციასა და მინისტერიალში საქართველოს დელეგაციის მონაწილეობა მნიშვნელოვანი შესაძლებლობაა, რომ წამყვანი ქვეყნების ძალიან ღირებული გამოცდილება გავიზიაროთ ღვინის ტურიზმის მდგრადი და ეფექტური განვითარებისთვის, რაც, თავის მხრივ, წინაპირობას წარმოადგენს საქართველომ ღირსეული ადგილი დაიკავოს მსოფლიოს ტურიზმის ღვინის რუკაზე.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება