„საქართველოს ბანკის“ ყვარლის ფილიალზე თავდამსხმელი ნახევარ მილიონს ითხოვს. ამის შესახებ მძარცველსა და მომლაპარაკებელს შორის გამართული დიალოგით ირკვევა.

ბანკში მყოფი მძარცველი ასევე ითხოვს მიმდებარე ტერიტორიიდან პოლიციის თანამშრომლების გასვლას.

„გამოდი გარეთ და გავიაროთ დეტალები. რამდენ ხანს გაძლებ მანდ? სხვა მოთხოვნები გაქვს? რამე პრობლემები ხომ არ გაქვს? - მოგიგვარებთ!“, - მიმართავს მომლაპარაკებელი მძარცველს.

ცნობისთვის, „საქართველოს ბანკის“ ფილიალში შეიარაღებული პირი დაახლოებით 2 საათის წინ შეიჭრა. შსს-ის ცნობით, თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. მათი ინფორმაციით, ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.

შინაგან საქმეთა სამინისტრო მოუწოდებს მედიის წარმომადგენლებს, დაიცვან უსაფრთხოების ნორმები და დაემორჩილონ ადგილზე პოლიციელთა მითითებებს.