ანა დოლიძემ ამომრჩეველს მთაწმინდის მაჟორიტარობის კანდიდატი წარუდგინა

მთაწმინდაზე, სულხან-საბა ორბელიანის სკვერში პარტია „ანა დოლიძე-ხალხისთვის“ ინიციატივით“ თვითშემოქმედი მთაწმინდელების ნამუშევრების გამოფენა-გაყიდვა გაიმართა. პარალელურად პარტიის ლიდერმა, თბილისის მერობის კანდიდატმა ანა დოლიძემ ამომრჩევლებს მაჟორიტარობის კანდიდატი ნინო ქოქოსაძე წარუდგინა. ამის შესახებ „ინტერპრესნიუსს“ პარტიიდან აცნობეს.

"დღევანდელი შეხვედრის მიზანი არის ის, რომ მთაწმინდელები ერთმანეთს შეხვდნენ, გაუზიარონ თავისი თვითშემოქმედება და რაც მთავარია, კარგი ხასიათი. ღია სივრცეში, ყველა რეგულაციის დაცვით, ჩვენ შევხვდით ამომრჩეველს, მთაწმინდელებმა ერთმანეთს აჩვენეს თავიანთი თვითშემოქმედება. აქ არის ყველა ასაკის ხალხი, როგორც ახალგაზრდები, ასევე პენსიონერები. მინდა ჩვენ ამომრჩეველს მივცე ჩვენი გუნდის გზავნილი - ჩვენ ვართ ახალი ძალა, რომლებიც ვიბრძოლებთ თქვენი ინტერესებისათვის, ჩვენ ვართ გუნდი ხალხისათვის და ჩვენი კრედო არის სუფთა, კომპეტენტური, მებრძოლი ადამიანები საკრებულოებში,“ - განაცხადა ანა დოლიძემ.

მთაწმინდის მაჟორიტარობის კანდიდატმა ნინო ქოქოსაძემ ამომრჩეველს 10 ნაბიჯი გააცნო, რომლის განხორციელებასაც არჩევნებში გამარჯვების შემთხვევაში ჰპირდება.

„მაქვს მოლოდინი, რომ ჩვენი ამომრჩეველი აგვირჩევს და 2 ოქტომბერს შემოხაზავს 48-ს. რადგან ჩვენ ყოველთვის ვზრუნავდით და ვიზრუნებთ ხალხზე, თითოეულ ადამიანზე. მე პირადად მაქვს შემუშავებული სერიოზული პროექტი ახალგაზრდობის დასაქმების და პენსიონერების ჩართულობის ტურისტულ ბიზნესში. ჩემი გზავნილი მთაწმინდელებისადმი არის ის, რომ ჩვენი გუნდით განვახორციელებთ ხალხისთვის ყველა იმ დაპირებას, რაც პროგრამაში გვაქვს წარმოდგენილი და ყველაფერს გავაკეთებთ, რომ მთაწმინდა განვითარდეს, რომ მოხდეს როგორც ახალგაზრდების, ასევე პენსიონერების ინტეგრირება. მთაწმინდას არ აქვს სკვერები, არ აქვს სუფთა ჰაერი, პარკინგი, ინფრასტრუქტურა და ამაზე საჭიროა ზრუნვა,“ - აღნიშნა ნინო ქოქოსაძემ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება