„ტოიოტა ცენტრ თბილისში“ ძველი ავტომობილის საბაზრო ფასად ჩაბარება და სანაცვლოდ, უახლესი Land Cruiser 300-ის შეძენაა შესაძლებელი

„ტოიოტა ცენტრი თბილისი“ მომხმარებელს პროექტ „ტოიოტა პლუსის“ ფარგლებში ძველი ავტომობილის საბაზრო ფასად ჩაბარებას და სანაცვლოდ, ახალი თაობის Land Cruiser 300-ის შეძენას სთავაზობს.

საქართველოში „ტოიოტას“ პირველი ოფიციალური დილერის განცხადებით, „ტოიოტა პლუსი“ მაქსიმალურად საიმედო და ხელსაყრელია მეორადი ავტომობილის შეძენა-გაყიდვით დაინტერესებული მომხმარებლისთვის და მას გაუთვალისწინებელი რისკებისგან მთლიანად აზღვევს.

როგორც „ტოიოტა ცენტრ თბილისში“ განმარტავენ, „ტოიოტა პლუსის“ ფარგლებში, მომხმარებელს საშუალება ეძლევა, ძველი ავტომობილი „ტოიოტა ცენტრ თბილისში“ საბაზრო ფასად ჩააბაროს და სურვილის შემთხვევაში, ახალი ავტომობილის, მათ შორის Land Cruiser 300-ის შეძენის გზებიც გაიმარტივოს. ახალი ავტომობილის შეძენისას მომხმარებელი მხოლოდ ფასთა შორის სხვაობას დაფარავს.

„ჩასაბარებელი ავტომობილი ტექნიკურ შემოწმებას „ტოიოტა ცენტრ თბილისის“ სერთიფიცირებულ სერვისცენტრში გაივლის. ამ ერთსაათიანი პროცედურით ავტომობილის საბაზრო ფასის დადგენა ხდება. სანაცვლოდ, მომხმარებელს შეუძლია შეარჩიოს ტოიოტას ნებისმიერი ახალი ავტომობილი, მათ შორის ახალი თაობის Land Cruiser 300-ი, რომელიც შოურუმშია წარმოდგენილი. ფასთაშორის სხვაობის დაფარვა შესაძლებელია ნაღდი ანგარიშსწორებით, ბანკისა თუ სალიზინგო კომპანიის დახმარებით, ასევე, Toyota Casco-ს ხელსაყრელი პირობებით“, - აცხადებენ „ტოიოტა ცენტრ თბილისში“.

მათივე განმარტებით, მომხმარებელს ახლის შეძენის გარეშეც შეუძლია ძველი ავტომობილის ცენტრში საბაზრო ფასად ჩაბარება იმ შემთხვევაში, თუ მისი ავტომობილი „ტოიოტა პლუსის“ პირობებს დააკმაყოფილებს. გარდა ამისა, შესაძლებელია, ცენტრში სასურველი მეორადი ავტომობილის ასევე საბაზრო ფასად და 2 წლამდე გარანტიით შეძენა. ამ მიმართულებით, „ტოიოტა ცენტრი თბილისი“ მომხმარებელს სიახლესაც სთავაზობს, რაც სასურველი ავტომობილის მოძიება-ჩამოყვანას გულისხმობს.

„ჩაბარების პროცესში ავტომანქანის ხანდაზმულობა 8 წელს არ უნდა აღემატებოდეს და მისი გარბენი 160 000 კმ-ს არ უნდა სცდებოდეს, არ უნდა იყოს წყალში ჩაძირული და ნამუშევარი როგორც ტაქსი. სწორედ ამ ძირითადი პარამეტრების მიხედვით ხდება ძველი ავტომანქანების შერჩევა. მეორად ავტომობილებს მსურველებს საბაზრო ფასად და 2-წლამდე გარანტიით ვთავაზობთ. გარანტია მოიცავს „ტოიოტა ცენტრ თბილისის“ სერტიფიცირებული ტექნიკოსებისა და ევაკუატორის უფასო მომსახურებას. გვაქვს სიახლეც - თუ მომხმარებელი ცენტრში ვერ შეარჩევს სასურველ ავტომობილს, დახმარებას გავუწევთ მის მოძიებასა და ჩამოყვანაში. რაც მთავარია, „ტოიოტა პლუსით“ ვზოგავთ მომხმარებლის დროს და გარდა ამისა, მეორადი ავტომანქანის შეძენით დაინტერესებულ მომხმარებელს სრულ გარანტიას ვაძლევთ, თავი დაიზღვიოს იმ გაუთვალისწინებელი და არასასიამოვნო სიურპრიზებისგან, რაც ხშირად, ავტომობილის აუქციონის წესით, ბაზრობებზე ან ვებგვერდის მეშვეობით შეძენას მოჰყვება“, - აღნიშნავენ „ტოიოტა ცენტრ თბილისში“.

მომხმარებელი, რომელსაც „ტოიოტა პლუსით“ სარგებლობა სურს, კოვიდპანდემიის პირობებში, უსაფრთხოების დაცვის მიზნით, აუცილებლად წინასწარ უნდა დაუკავშირდეს „ტოიოტა ცენტრ თბილისს“ ნომრებზე: 032 2511; 032 2 522 022 და ჩაეწეროს სერვისის მისაღებად, შემდეგ კი ეწვიოს ცენტრს ორშაბათიდან პარასკევის ჩათვლით, 09:30-დან 18:00 საათამდე, ხოლო შაბათს - 09:30-დან 14:00 საათამდე, მისამართზე: დავით აღმაშენებლის ხეივანი #116; www.toyota-tbilisi.com

„ტოიოტა ცენტრ თბილისში“ მისულ მომხმარებელს მომსახურებას პანდემიის გავრცელების საპრევენციო რეგულაციებისა და უსაფრთხოების სტანდარტების სრული დაცვით გაუწევენ.

იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ქართული პრესის მიმოხილვა 16.09.2021
ირაკლი მელაშვილი - იმგვარ ვითარებაში, რომელშიც ვართ, საქართველოში ძალოვნებმა დაღუპეს ყველა ხელისუფლება და ახლა დაღუპავენ ამ ხელისუფლებასაც
BDO Digital-ი კომპანიებს აქტივების მართვის თანამედროვე გადაწყვეტას სთავაზობს
ქართული უნივერსიტეტი საერთაშორისო კონკურსში ნომინაციის ,,მომავლის განათლება’’ გამარჯვებული გახდა
კახა ოქრიაშვილი - დღესვე გადადგეს სუს-ის უფროსი, გრიგოლ ლილუაშვილი და ეს უწყება დაიშალოს სამ სტრუქტურად
ტერაბანკის შეღავათიანი ბიზნეს სესხი პროგრამის „აწარმოე საქართველოში“ მონაწილეებისთვის
საქართველოში მალე იურისტების ყველაზე დიდი ციფრული პლატფორმა - LawPort ჩაეშვება