გიორგი გახარია - არასდროს დამიკავშირებია რიგგარეშე არჩევნების გარდაუვალობა მუნიციპალური არჩევნების შედეგებთან - რიგგარეშე არჩევნები ჩატარდება იმიტომ, რომ მთავრობას არ აქვს საკმარისი რესურსი, ლეგიტიმაცია

არასდროს მითქვამს და არ დამიკავშირებია, რიგგარეშე არჩევნების გარდაუვალობა მუნიციპალური არჩევნების შედეგებთან, პირიქით, ჩვენ ვამბობთ, რომ მუნიციპალური არჩევნების შედეგებს რიგგარეშე არჩევნების ჩატარება-არ ჩატარებასთან საერთოდ არანაირი ლოგიკური კავშირი არ აქვს, - ამის შესახებ პარტია „საქართველოსთვის“ თავმჯდომარემ და თბილისის მერობის კანდიდატმა გიორგი გახარიამ ჟურნალისტებს განუცხადა.

ამასთან, „ქართული ოცნების“ მიერ ჩატარებულ კვლევებს გიორგი გახარიამ „გაურკვეველი არითმეტიკა“ უწოდა.

მისი თქმით, რიგგარეშე საპარლამენტო არჩევნები საზოგადოების მოთხოვნიდან გამომდინარე ჩატარდება. როგორც მთავრობის ყოფილმა მეთაურმა აღნიშნა, „ქართულ ოცნებას“ დღეს ამომრჩევლის ნდობა აქვს დაკარგული.

„ჩვენც ვატარებთ გამოკითხვებს, რამდენიმე ქალაქში მიმდინარეობს ჩვენი შიდაპარტიული კვლევა და მე როგორ ვიკადრებ, რომ გამოვიტანო და დავდო. ეს არის ჩვენი შიდა სამუშაო დოკუმენტი. „ქართული ოცნება“ ახლა ცდილობს მისი გაურკვეველი არითმეტიკა მოახვიოს თავს მაყურებელს.

რიგგარეშე არჩევნებთან დაკავშირებით გადაწყვეტილებას იღებს ქართველი ამომრჩეველი. არცერთხელ, არასდროს მითქვამს და არ დამიკავშირებია, რიგგარეშე არჩევნების გარდაუვალობა მუნიციპალური არჩევნების შედეგებთან, პირიქით, ჩვენ ვამბობთ, რომ მუნიციპალური არჩევნების შედეგებს, რიგგარეშე არჩევნების ჩატარება-არ ჩატარებასთან საერთოდ არანაირი ლოგიკური კავშირი არ აქვს. რიგგარეშე არჩევნები ჩატარდება მხოლოდ და მხოლოდ იმიტომ, რომ დღევანდელ ხელისუფლებას, მთავრობას არ აქვს საკმარისი რესურსი, ლეგიტიმაცია. სამართლებრივი და საარჩევნო ლეგიტიმაცია კი არა, ნდობა მოქალაქეების, რომ ღირსეულად უპასუხოს ქვეყნის წინაშე მდგარ რეალურ გამოწვევებს, პანდემია იქნება ეს, ეკონომიკა თუ სხვა რეგიონალური გამოწვევები, ვერ უპასუხებენ, მარტივი მიზეზის გამო, ნდობა აქვთ დაკარგული. დღევანდელი მთავრობა, ჩემდა სამწუხაროდ, ვერცერთ დარგში ნორმალურ სტრუქტურულ რეფორმას ვერ ჩაატარებს, ან ამ რეფორმის ფასი იქნება ნული“, - განაცხადა გიორგი გახარიამ.

ლევან ცუცქირიძე - ყველაფერზე მანტრასავით გამეორება - „აბა ომი გინდათ?“, სინამდვილეში ევფემიზმია და „მე რუსეთთან მინდას“ ნიშნავს
ქართული პრესის მიმოხილვა 08.12.2022
ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
კახა ოქრიაშვილი „ქართული ოცნების“ ლიდერების განცხადებებს ეხმაურება
მოასწარი დეკემბერი - სამომხმარებლო სესხზე „ლიბერთის“ ახალი აქცია დაიწყო
„ტყუპების საღვინე სახლი ნაფარეულში“ 25 წლისაა
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს