კახა კალაძე სოციალური ქსელის ვიდეოჩართვაში მოსახლეობის შეკითხვებს პასუხობს

თბილისის მერობის კანდიდატი კახა კალაძე სოციალური ქსელის ვიდეოჩართვაში გლდანის მოსახლეობის შეკითხვებს პასუხობს.

მისი თქმით, ვინაიდან პანდემიის გამო საარჩევნო კამპანიის ფარგლებში ყველასთან შეხვედრას ვერ ახერხებს, მზადაა, მოსახლეობასთან დამატებითი კომუნიკაციისთვის სოციალური ქსელი გამოიყენოს.

ერთ-ერთი პირველი კითხვა, რომელიც თბილისის მერობის და გლდანის მაჟორიტარი დეპუტატობის კანდიდატს „ფეისბუქის“ მეშვეობით მოქალაქე ნუგზარ ყიფშიძემ დაუსვა, ავტოფარეხების ადგილზე რეკრეაციული სივრცეების მოწყობას ეხებოდა. თბილისის მერობის კანდიდატის განცხადებით, მუნიციპალიტეტი მზადაა პროექტების განსახორციელებლად, თუ ადგილობრივი მოსახლეობა ამ საკითხზე თვითონ შეთანხმდება.

„ჩვენ გვაქვს სრული მზადყოფნა ამასთან დაკავშირებით. უბრალოდ, გვჭირდება თქვენი დახმარება იმაში, რომ სამეზობლოს დაელაპარაკოთ. ეს ხომ ფარეხებია, რომლითაც ბევრი არც სარგებლობს, უბრალოდ დგას და ძალიან უსახურია. ასევე პრობლემას წარმოადგენს იმ თვალსაზრისით, რომ კარგავს სივრცეს, სადაც შესაძლებელია სკვერების ან სპორტული მოედნების მოწყობა. ამიტომ, თქვენ თუ დაგვეხმარებით, რომ სამეზობლო შეთანხმდეს, არცერთ თეთრს არ დაგახარჯინებთ. ჩვენ გავაკეთებთ, ჩვენ დავხარჯავთ თანხას როგორც ამ ფარეხების დემონტაჟზე, ასევე იმ სივრცის მოწყობაზე, რომელსაც თქვენ ისურვებთ. თქვენ მიიღეთ გადაწყვეტილება, რა გინდათ - სპორტული მოედანი თუ პატარა სკვერი“, - განაცხადა კახა კალაძემ.

გლდანის მაჟორიტარი დეპუტატობის კანდიდატის კონსტანტინე ზარნაძის განცხადებით, უკვე მოეწყო რეკრეაციული სივრცე გლდანის მეხუთე მიკრორაიონში მდებარე 47 ავტოფარეხის ნაცვლად და თუ მოსახლეობის სურვილი იქნება, მზადაა, პირადად ჩაერთოს მსგავსი პროექტების განხორციელებაში. „გლდანის რაიონს აქვს პოტენციალი, იყოს ერთ-ერთი ყველაზე მწვანე და კეთილმოწყობილი რაიონი სწორედ ამ ავტოფარეხების აღების ხარჯზე. თუ იქნება მზაობა, პირადად მოვალ და ჩავერთვები, რათა დავარწმუნო მოსახლეობა, რომ უსახური ავტოფარეხების ყურებას სჯობს ლამაზი, მოწესრიგებული სივრცეები, ისეთი, როგორიც გამგეობამ გააკეთა მეხუთეს მიკრორაიონის მეჩვიდმეტე კორპუსთან, სადაც მოსახლეობის ჩართულობით 47 ავტოფარეხი აიღეს“, - განაცხადა კონსტანტინე ზარნაძემ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება