კახა კალაძე - დიდ დიღომში, მირიან მეფის ქუჩაზე  მრავალფუნქციური  პარკი გაშენდება

დიდ დიღომში, მირიან მეფის ქუჩაზე, ადრე გასხვისებულ, თუმცა ამჟამად უკვე მუნიციპალიტეტის საკუთრებაში არსებულ ტერიტორიაზე მასშტაბური პარკი გაშენდება. ამის შესახებ „ქართული ოცნების“ თბილისის მერობის კანდიდატმა კახა კალაძემ, საბურთალოს რაიონის მაჟორიტარი დეპუტატობის კანდიდატ ავთანდილ ცინცაძესთან ერთად, მირიან მეფის ქუჩის მცხოვრებელებთან გამართული წინასაარჩევნო შეხვედრის დროს განაცხადა.

აღნიშნული შეხვედრა მირიან მეფის ქუჩაზე, მესამე მიკრორაიონში, მე- 3 კორპუსთან, იმ ტერიტორიის მიმდებარედ გამართა, სადაც, როგორც ეს კახა კალაძემ აღნიშნა, მუნიციპალიტეტის მხრიდან გარკვეული გამოწვევების დაძლევის შედეგად, მრავალფუნქციური პარკი გაშენდება.

„გარკვეული პრობლემების მიუხედავად, შედეგი მივიღეთ და ტერიტორია უკვე მუნიციპალიტეტის საკუთრებაშია და როგორც მაშინ დაგპირდით, აქ აშენდება რეკრეაციული სივრცე, დასასვენებელი პარკი. ეს იქნება სარბენი ბილიკები, ველობილიკები, მწვანე სივრცეები, ატრაქციონები, ფიტნესსივრცეები, აქ ეს ყველაფერი იქნება გაკეთებული, როგორც სხვა შემთხვევებში ვაკეთებთ ხოლმე. ჩვენ განსაკუთრებულ ყურადღებას ვამახვილებთ მწვანე სივრცეების განვითრებაზე. რაც გასხვისებული იყო, იმის დაბრუნებაც მოვახერხეთ და იცით, ჩვენ ბევრი მაგალითი გვაქვს, მაგალითად ვაკის პარკის. ასევე, „გუდვილის“ წინ ანბანის სკვერში, გახსოვთ, კონკრეტული შენობა-ნაგებობის ჩადგმას აპირებდნენ და გავაჩერებინეთ. ამ მიმართულებით ბევრი კარგი საქმე გვაქვს გაკეთებული და კიდევ უფრო მეტს გავაკეთებთ მომდევნო 4 წლის განმავლობაში. მე მადლობა მინდა მხარდაჭერისთვის გადაგიხადოთ. ძალიან ვაფასებ ამ თანადგომას და გპირდებით, რომ კონკრეტული პროექტების სახით დაგიბრუნებთ ამ მხარდაჭერას უკან. გარკვეული პრობლემების იყო ამ 4 წლის განმავლობაში, რადგან მარტო ბოლო 2 წლის განმავლობაში პანდემიას ვებრძვით და ეს პროცესი ახლაც გრძელდება“, - განაცხადა კახა კალაძემ.

საბურთალოს რაიონის მაჟორიტარი დეპუტატობის კანდიდატმა მოსახლეობას მხარდაჭერისთვის მადლობა გადაუხადა და შემდეგი 4 წლის განმავლობაში რაიონის განვითარებისთვის მნიშვნელოვანი პროექტების განხორციელებას დაჰპირდა. მისი თქმით, მირიან მეფის ქუჩაზე გაშენებული პარკი იქნება ყველაზე მასშტაბური რეკრეაცული სივრცე დიდ დიღომში.

„რადგან ჯანმრთელობა არის მთავარი პრიორიტეტი, მინდა, გთხოვოთ, გავუფრთხილდეთ ერთმანეთის ჯანმრთელობას. მინდა, მადლობა გადაგიხადოთ იმ 4-წლიანი ურთიერთობისთვის, რაც ჩვენ გვაქვს, ძალიან დიდი სითბო მხვდება ყველა თქვენგანის მხრიდან და ამისთვის დიდი მადლობა. მადლობა ბატონ კახის, რომ მომეცა საშუალება, ჩვენ კიდევ გავაგრძელოთ ურთიერთობა და ჩვენი მომავალი თაობისთვის ბევრი სასიკეთო ნაბიჯი გადავდგათ ერთად. ეს პროექტი არის ის, რაც დიდ დიღომს სასიცოცხლოდ სჭირდებოდა. მსგავსი პარკი დიდ დიღომში არ არსებობს. აქ გაშენდება ისეთი რეკრეაციული სივრცე, რომელიც გათვლილი იქნება ყველა ასაკის ადამიანზე და ყველა მათგანი თავს იგრძნობს კომფორტულად. დიდ დიღომში, სადაც ხელი მიგვიწვდა, რომ ან მონაცვლეეობა გაგვეკეთებინა, ან შეგვეჩერებინა რაიმე მშენებლობა რეკრეაციული სივრცის სასარგებლოდ, ამაზე მერია, საკრებულო, გამგეობა ყოველთვის ერთობლივად ვმუშაობდით“, - განაცხადა ავთანდილ ცინცაძემ.

აღსანიშნავია, რომ აღნიშნულ ტერიტორიაზე ძველი ფეხბურთის მოედანი მდებარეობდა, მიმდებარე ტერიტორიას კი რამდენიმე მესაკუთრე ჰყავდა. დიდი საზოგადოებრივი ინტერესიდან გამომდინარე, პროცესში ჩაერთო ქალაქის მთავრობა და საკრებულოს გადაწყვეტილებით, შედგა შეთანხმება ადგილმონაცვლეობის შესახებ. შედეგად, აღნიშნულ ტერიტორიაზე (10 000 კვ.მ) პარკი გაშენდება.

მოსახლეობასთან შეხვედრებს კახა კალაძის საარჩევნო შტაბის ხელმძღვანელი გიორგი ამილახვარი ესწრებოდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს