სამშენებლო და სარემონტო მასალების კომპანიამ - "ნოვა", წარმოებული პროდუქცია წარადგინა

სამშენებლო და სარემონტო მასალების კომპანიამ - „ნოვა“, ბათუმში, ადლიის დასახლებაში განთავსებულ საწარმოში, საკუთარი პროდუქციის პრეზენტაცია ჩაატარა.

როგორც „ინტერპრესნიუსს“ კომპანიიდან აცნობეს, ღონისძიებას EBRD-ისა და „თიბისის“ წარმომადგენლები, სხვადასხვა ასოციაციის პრეზიდენტები, საქართველოს ბაზარზე მოქმედი უმსხვილესი სამშენებლო და დეველოპერული კომპანიების, ასევე სამშენებლო მასალების სარეალიზაციო ქსელების ხელმძღვანელები ესწრებოდნენ.

„სტუმრებს შესაძლებლობა ჰქონდათ 10 000 კვ/მ ფართობზე განთავსებული 80-მდე საწარმოო დანადგარი, 30 000 კვ/მ სასაწყობე ინფრასტრუქტურა და 400-ზე მეტი ქართული ნაწარმი დაეთვალიერებინათ. აღნიშნული წარმოება თავისი მასშტაბით უმსხვილესია ამიერკავკასიაში.

კომპანია „ნოვას“ საწარმო ბათუმის არა მხოლოდ ტურისტულ, არამედ საწარმოო პოტენციალს უსვამს ხაზს. კომპანია უკვე 400-ზე მეტი დასახელების პროდუქტს აწარმოებს, მათ შორისაა: პოლიეთილენის პროდუქცია - ავზები, სეპტიკის ავზები და ჭები, საგზაო ბარიერები, სანაგვე ურნები, ასევე სახურავის მასალები, წყალდამწრეტი სისტემები, ფასადის მოსაპირკეთებელი თუნუქის საიდინგი, თაბაშირ-მუყაოს და მეტალოპლასტმასის პროფილები და სხვა აქსესუარები.

კომპანია „ნოვა“ ბაზარზე 2006 წელს გამოჩნდა. საწყის ეტაპზე, კომპანიის საქმიანობის სფეროს სამშენებლო მასალების იმპორტი და რეალიზაცია წარმოადგენდა.

2011 წლიდან „ნოვამ“ საკუთარი საწარმოო ხაზი გახსნა. 2015 წელს სახელმწიფო პროგრამის - „აწარმოე საქართველოში“ მხარდაჭერით, 5 მილიონი ლარის ინვესტიციით, კომპანიამ ახალი დანადგარები შეიძინა და წარმოება ევროპულ სტანდარტზე გადაიყვანა.

2019 წელს სახელმწიფოს მხრიდან სწორი პოლიტიკის შედეგად, EBRD-ისა და თიბისის მხარდაჭერით, კომპანიაში წარმოების განვითარებისა და შესაბამისი ინფრასტრუქტურის მოსაწყობად, 3 მილიონი ევროს ინვესტიცია განხორციელდა.

2020–2021 წელს კომპანიამ, წარმოების მოდერნიზაციისა და გაფართოების მიზნით, სახელმწიფო პროგრამის - „აწარმოე საქართველოში“ და თიბისის მხარდაჭერით, კიდევ ერთხელ განახორციელა დამატებით 10 მილიონი ლარის ინვესტიცია“,- აღნიშნულია გავრცელებულ ინფორმაციაში.

როგორც „ნოვას“ გენერალური დირექტორი, ედიშერ ხიმშიაშვილი აღნიშნავს, კომპანია ასევე ფლობს 3 მეგაცენტრს თბილისში, ბათუმსა და ქუთაისში.

“კომპანიის საწარმოები და სასაწყობე ინფრასტრუქტურა ბათუმში, ადლიის დასახლებაში - 42 000 კვ/მ (საიდანაც 15 000 კვ/მ კომპანიამ საშეღავათო პირობებით, ინვესტიციის განხორციელების ვალდებულებით შეიძინა სახელმწიფოსგან), თბილისში კი 24 000 კვ/მ ფართობზე მდებარეობს. კომპანია ასევე ფლობს 3 მეგაცენტრს თბილისში, ბათუმსა და ქუთაისში. წარმოების განვითარებით „ნოვამ“ იმპორტის შემცირება და ქართული ნაწარმის ექსპორტის გაზრდა შეძლო, რაც კომპანიის მთავარ სტრატეგიულ მიმართულებას წარმოადგენს“, - აღნიშნავს ედიშერ ხიმშიაშვილი.

როგორც „თიბისის“ გენერალური დირექტორის მოადგილე, გიორგი თხელიძე აცხადებს, ეკონომიკის გაჯანსაღების პროცესში, მნიშვნელოვანია იმპორტის ადგილობრივი პროდუქციით ჩანაცვლებისა და ექსპორტის გაძლიერება.

„კრიზისული პერიოდის დაძლევის პროცესში, ახლა კიდევ უფრო მნიშვნელოვანი - აღდგენის ეტაპი დადგა, სადაც „თიბისის“ როლი კიდევ უფრო საპასუხისმგებლოა. ეკონომიკის გაჯანსაღების პროცესში, მნიშვნელოვანია იმპორტის ადგილობრივი პროდუქციით ჩანაცვლებისა და ექსპორტის გაძლიერება. ახალ რეალობაში თიბისისთვის ერთ-ერთი მთავარი პრიორიტეტი იმ ინიციატივების მხარდაჭერაა, რომლებიც ეროვნულ წარმოებასა და ადგილობრივების დასაქმებას უწყობს ხელს. „ნოვა“ სწორედ ასეთი კომპანიაა. ძალიან გვეამაყება, რომ ჩვენ ვართ იმ წარმატების ისტორიის თანამონაწილე, რომელიც წლების წინ ნულიდან - 90 კვ/მ ფართითა და 20 თანამშრომლით დაიწყო. თიბისის დახმარებით, „ნოვა“ თავის სფეროში პირველი კომპანია იყო საქართველოს ბაზარზე, რომელმაც ევროპის რეკონსტრუქციისა და განვითარების ბანკის - EBRD-ის პარტნიორი გახდა, რამაც საშუალება მისცა, მისგან ფინანსური ინვესტიციის გარდა, ინტელექტუალური მხარდაჭერაც მიეღო“, - აღნიშნავს გიორგი თხელიძე.

როგორც კომპანიაში აღნიშნავენ, „ნოვა“ საქართველოში ექსკლუზიურად წარმოადგენს ისეთ ბრენდებს, როგორებიცაა: NIPPON PAINT-ის ჯგუფი - BETEK, FAWORI; SAINT GOBAIN-ის ჯგუფი - IZOCAM, RIGIPS; INGCO; BIEN. კომპანიაში 550-ზე მეტი ადამიანია დასაქმებული, მათ შორის 150 თანამშრომელი - წარმოებებში თბილისსა და ბათუმში.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 08.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
VELI.store უკვე 1 წლისაა
ლიბერთი უმაღლეს სასწავლებელთა შორის დაპროგრამებაში მსოფლიო ჩემპიონატის (ICPC) სტრატეგიული პარტნიორია
„ლიბერთის“ ლოიალობის პროგრამას CashBack Dressup ჯგუფი შემოუერთდა
„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ