დებატებთან დაკავშირებით მეც გამოვთქვი თანხმობა და პრობლემა არ მაქვს, - ამის შესახებ თბილისის მერმა, კახა კალაძემ განაცხადა, რითაც გამოეხმაურა ჟურნალისტის კითხვას იმის შესახებ, დათანხმდება თუ არა „ქართული ოცნების“ კანდიდატი ოპონენტების მოთხოვნას საჯარო სატელევიზიო დებატებში მონაწილეობის თაობაზე.

კალაძემ განმარტა, რომ დებატებისთვის მზად არის. მან საზოგადოებასა და ოპონენტებს ასევე შესთავაზა სასურველი ტელევიზია.

„მინდა ვთხოვო საზოგადოებრივ მაუწყებელს, რომ შესაბამისი პლატფორმა მოაწყონ, სადაც 16-ვე კანდიდატთან მექნება შესაძლებლობა რომ დებატებში მივიღო მონაწილეობა“, - აღნიშნა კალაძემ.