გიორგი ვაშაძე - ხელისუფლება ყველას უსმენს საპატრიარქოსაც, ოპონენტებსაც და თანაგუნდელებსაც, ვინმეს თუ  ეგონა, გამონაკლისი იყო, ეს ილუზიაც დამთავრდა

ხელისუფლება ყველას უსმენს საპატრიარქოსაც, პოლიტიკურ ოპონენტებსაც და თანაგუნდელებსაც. თუ ვინმეს ეგონა, რომ მასთან მიმართებაში იყო გამონაკლისი, ეს ილუზიაც დამთავრდა დღევანდელ დღეს - რად გვინდა ეს მოსმენები? საქმე ვაკეთოთ და ქვეყანა წინ წავიყვანოთ, ვინც საქმეს აკეთებს იმას არაფერში არ სჭირდება მსგავსი უკანონო ქმედებები, - ასე ეხმაურება „მესამე ძალა - სტრატეგია აღმაშენებლის“ ლიდერი, გიორგი ვაშაძე გავრცელებულ ინფორმაციას, რომ სუს-ი სასულიერო პირებს უსმენს და საიდუმლო მასალებმა სახელმწიფო უსაფრთხოების სამსახურიდან გაჟონა.

გიორგი ვაშაძის განცხადებით, ,,მესამე ძალა - სტრატეგია აღმაშენებელი” მხარდაჭერა ამ „მანკიერი პრაქტიკის“ ერთხელ და სამუდამოდ დასრულებას ნიშნავს.

,,მოახლოვდა არჩევნები და კვლავ გრძელდება ჩანაწერები, მოსმენები, შანტაჟი, რომელიც ჩამოშლილი სისტემიდან ვრცელდება. ეს არის საბჭოთა პრაქტიკა, რომელიც საქართველომ ვერ მოიცილა ვერცერთი ხელისუფლების დროს. ,,მესამე ძალა - სტრატეგია აღმაშენებელი” გარანტიას გაძლევთ, რომ ჩვენი მხარდაჭერა ნიშნავს ამ მანკიერი პრაქტიკის დასრულებას ერთხელ და სამუდამოდ ქვეყანაში. კანონის უზენაესობა და კანონის წინაშე თანასწორობა უნდა იყოს ყველასთვის, ეს თუ არ შევაჩერეთ ქვეყანა წინ ვერ წავა ვერავითარ შემთხვევაში. კიდევ უფრო მძიმეა, რომ ქვეყანაში, სიტყვა გამოძიებამ შინაარსი დაკარგა, ვინ გამოიძიებს ამ ყველაფერს არსებული ხელისუფლების პირობებში. როგორც კი ხელისუფლება შეიცვლება, გამოძიება ჩატარდება შემდეგ და ჩვენ, ,,მესამე ძალა” ვიქნებით გარანტი, რომ ყველა მსგავს ფაქტზე გამოძიება ჩატარდეს “, - აღნიშნა გიორგი ვაშაძემ.

ის ასევე გამოეხმაურა მედიასაშუალებებით გავრცელებულ ინფორმაციას, რომლის თანახმად „ქართულ ოცნებას“ მის მიერ დასახელებული მერობის ცალკეული კანდიდატები „სუს-ის აგენტებად ჰყავს ქცეული“.

ვაშაძის თქმით, ,,ქართული ოცნების” საარჩევნო კამპანია მთლიანად სუს-ს აქვს ჩაბარებული.

,,მათი წარსული არის სამართალდამცავი ორგანოები, ჩვენ ყველაფერს გამოვიძიებთ და გავათავისუფლებთ ამ ხალხს, დაიხევა ყველა ეს „კაგებეშნიკური“ ფაილი, რომელიც კონკრეტული პირების ნების გამოხატვას ეწინააღმდეგება. ვერცერთ ამ დოკუმენტს ვერ მივიღებ მტკიცებულებად, მაგრამ თვითონ ფაქტი, რომ სუს-ის თანამშრომლები არიან მერობის კანდიდატები სჭირდებათ იმისთვის, რომ გააკონტროლონ ეს ადამიანები. დასხდნენ ჩვენს კანდიდატებთან და იმსჯელონ ქალაქში რის გაკეთებას აპირებენ, ასეთი არაფერი არ აქვთ“, - განაცხადა გიორგი ვაშაძემ.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი