ეს არჩევნები არის ხელისუფლების ცვლილებებზე და არა ვინ ჩამოვა თუ არ ჩამოვა ქვეყანაში, ან რა განცხადებებს გააკეთებს, - ასე გამოეხმაურა „მესამე ძალა - სტრატეგია აღმაშენებლის“ ლიდერი, გიორგი ვაშაძე ყოფილი პრეზიდენტის მიხეილ სააკაშვილის განცხადებას საქართველოში დაბრუნებასთან დაკავშირებით.
მისი თქმით, ყველას თავისი მიზანი აქვს და დანარჩენი საქართველოს მოქალაქეებმა უნდა განსაჯონ.
,,არ მომისმენია და არ ვადევნებ თვალყურს მის განცხადებებს. ჩვენ ვართ თანმიმდევრულები და გვინდა ცვლილებები ქვეყანაში იმისთვის, რომ საქმე ვაკეთოთ. ეს არჩევნები არის ხელისუფლების ცვლილებებზე და არა ვინ ჩამოვა თუ არ ჩამოვა ქვეყანაში, ან რა განცხადებებს გააკეთებს, ყველას თავისი მიზანი აქვს და დანარჩენი განსაჯონ საქართველოს მოქალაქეებმა“, - აღნიშნა გიორგი ვაშაძემ.