ცესკო-ს თავმჯდომარე რუმინეთის ელჩს შეხვდა

საქართველოს ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი საქართველოში რუმინეთის საგანგებო და სრულუფლებიან ელჩს რუზვან როტუნდუს შეხვდა.

ცენტრალური საარჩევნო კომისიის ინფორმაციით, შეხვედრისას მხარეებმა საქართველოში 2 ოქტომბერს დაგეგმილ მუნიციპალიტეტის ორგანოთა არჩევნებზე ისაუბრეს.

„ცესკოს თავმჯდომარემ დეტალური ინფორმაცია მიაწოდა რუმინეთის ელჩს თუ რა სიახლეები დაინერგა ცენტრალურ საარჩევნო კომისიაში და როგორ ემზადება ცესკო არჩევნების გამჭვირვალე და უსაფრთხო გარემოში ჩასატარებლად.

რუმინეთის ელჩი განსაკუთრებით დაინტერესდა ხმის დათვლის ვიდეოფიქსაციის წესითა და საარჩევნო პროცესში ელექტრონული ტექნოლოგიის გამოყენების საპილოტე პროგრამით. რუზვან როტუნდუმ გიორგი კალანდარიშვილს ამ მიმართულებით რუმინეთის გამოცდილება გაუზიარა. რუმინეთის ელჩმა ასევე აღნიშნა, რომ საელჩო მზად არის დააკვირდეს 2 ოქტომბრის არჩევნებს“, - აღნიშნულია ინფორმაციაში.

გიორგი კალანდარიშვილისა და რუმინეთის ელჩის შეხვედრა დღეს ცენტრალურ საარჩევნო კომისიაში გაიმართა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა