ზურაბ ჯაფარიძე გიორგი გახარიაზე - მიფრინავს, თმას იწიწკნის, რისი გულისთვის, რომ კალაძეს დაუმტკიცოს, არ მოუწევია - არ მესმის ეს ქცევა

თვითმფრინავში ჯდება, მიფრინავს, თმას იწიწკნის, რისი გულისთვის, რომ კალაძეს დაუმტკიცოს, არ მოუწევია- ამის შესახებ „გირჩი - მეტი თავისუფლებას“ ლიდერმა ზურაბ (გირჩი) ჯაფარიძემ განაცხადა, რითაც გამოეხმაურა „საქართველოსთვის“ თავმჯდომარის გიორგი გახარიას განცხადებას, რომლის თანახმადაც მის წინააღმდეგ ნარკოტესტთან დაკავშირებით მზადდებოდა პროვოკაცია.

ჯაფარიძის შეფასებით, ეს ტრაგიკული ამბავია.

„უნდობლობაზე მეტად ტრაგიკული ამბავი არის, რომ პრეტენზიების და ამბიციების მქონე პოლიტიკოსი ტესტისთვის მიდის სხვა ქვეყანაში. თავმოყვარეობის ამბავია, რატომ უნდა აკეთებდეს ამას პოლიტიკოსი, არ მესმის. როგორ შეიძლება არჩევნების წინ, სერიოზულად განიხილებოდეს, რომ „მე წავალ შესამოწმებლად და დაგიმტკიცებთ, რომ არ ვარ ნარკოტიკის მომხმარებელი.“ ეს სერიოზული ამბავია, რომ თვითმფრინავში ჯდება, მიფრინავს, თმას იწიწკნის, მერე უკან წამოვა, ჩაჯდება თვითმფრინავში, ჩამოვა საქართველოში... ეს შეიძლება სერიოზული ქცევა იყოს პოლიტიკოსისგან? რისი გულისთვის, რომ კალაძეს დაუმტკიცოს, არ მოუწევია. გავიგე, რომ არ ენდობა, მაგრამ ფეხებზე რატო არ იკიდებს?! ჩემზეც ხომ იძახიან, ამას შვრება, იმას შვრებაო, ფეხზე ხომ მკიდია?! მე არ მესმის ეს ქცევა და ალბათ, გახარია უნდა იყო, რომ ახსნა, თმის მოსაწიწკნად როგორ შეიძლება გაფრინდე სადღაც“, - აღნიშნა ჯაფარიძემ.

რაც შეეხება გიორგი გახარიას მხრიდან დებატების შეთავაზებას, ჯაფარიძის თქმით, ეს გამოწვევა მხოლოდ გამოწვევად დარჩება და მას რეაგირება სხვა ლიდერების მხრიდან, არ ექნება.

„დებატები მნიშვნელოვანია, მაგრამ გასაგებია, რომ ეს გამოწვევა დარჩება გამოწვევად, სავარაუდოდ, არცერთი დებატი არ შედეგება. არ მგონია, რომ მელიას აინტერესებდეს გახარიასთან დებატი, მას შეიძლება აინტერესებს კალაძესთან დებატი, მაგრამ კალაძე არ დაჯდება. ეს არის დემონსტრირებაა, რომ მე არ მეშინია და მზად ვარ“, - განაცხადა ჯაფარიძემ.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს