მამუკა მდინარაძე გიორგი გახარიას განცხადებაზე - ვიხილეთ თავდასხმა სამხარაულის ბიუროზე, რომელიც აქამდე არ მოფიქრებიათ „ნაცმოძრაობის“ ლიდერებსაც კი - საქართველოში თურმე უხერხულია და უცხოეთში კარგია „ბანკებით“ სირბილი

არა მხოლოდ „იმედზე“ ვიხილეთ თავდასხმა, ასევე სამხარაულის ეროვნულ ბიუროზე, რომელიც აქამდე არ მოფიქრებიათ „ნაციონალური მოძრაობის“ ლიდერებსაც კი. სამხარაულის ბიუროზე თავდასხმა მხოლოდ და მხოლოდ იმიტომ, რომ მას არ დაეჭირა თავის გამართლების პოზიცია, - ასე გამოეხმაურა „ქართული ოცნების“ ერთ-ერთი ლიდერი, მამუკა მდინარაძე პარტია „საქართველოსთვის“ თავმჯდომარისა და თბილისის მერობის კანდიდატის გიორგი გახარიას განცხადებას, რომლის თანახმადაც, მის წინააღმდეგ მზადდებოდა პროვოკაცია ნარკოტესტთან დაკავშირებით.

როგორც მამუკა მდინარაძემ ბრიფინგზე აღნიშნა, გახარიას განცხადება ნარკოტესტზე უცხოეთში გამგზავრების შესახებ, მხოლოდ იმას ემსახურება, რომ ექსპრემიერ-მინისტრი თავის მართლების რეჟიმში არ აღმოჩენილიყო.

„ჩვენ დღეს არა რაიმე მოწოდება, არამედ ვნახეთ თავდასხმა „იმედზე, რომელსაც ეს ადამიანი „ტელეკანალს“ უწოდებს მაშინ, როდესაც „პირველი კანალის“ მთავარი რესპოდენტია და ძალიან უხერხულია, როგორც მინიმუმ, როდესაც „იმედი“ მას პირადად იცავდა ამორალური კამპანიისგან და ეს ამორალური კამპანია მომდინარეობდა სწორედ იმ „ტვ პირველისგან,“ „პირველი კანალისგან,“ რომელიც ამ ამორალური კამპანიის სათავეში იდგა და დღეს უკვე პირიქით ატრიალებს ამ ყველაფერს. ლაპარაკობს იმ არხის საწინააღმდეგოდ, რომელმაც მისი სიმართლე, თუ რაღაც ნაწილში მდგომარეობდა თავის დროზე, მყარად დაიცვა, ის დაიცვა ამორლაური კამპანიისგან. ჩვენ არა მხოლოდ თავდასხმა ვიხილეთ „იმედზე,“ ასევე სამხარაულის ეროვნულ ბიუროზე, რომელიც აქამდე არ მოფიქრებია „ნაციონალური მოძრაობის“ ლიდერებსაც კი. სამხარაულის ბიუროზე თავდასხმა მხოლოდ და მხოლოდ იმიტომ, რომ მას არ დაეჭირა თავის გამართლების პოზიცია. საერთოდ არავინ ფიქრობდა „კოკაინზე“ და არც მსგავს საკითხებზე, ჯანსაღი ცხოვრების წესზე დაწყებული კამპანია გადაიქცა ვიღაცების თავის მართლების კამპანიად, უცხოეთში აპირებენ „ბანკებით“ სირბილს, როგორც ის ამბობს. საქართველოში თურმე უხერხულია და უცხოეთში კარგია „ბანკებით“ სირბილი, როდესაც ყველაზე ობიექტური ეროვნული ბიურო, ექსპერტიზის ეროვნული ცენტრი არასდროს გამხდარა თავდასხმის ობიექტი, გახდა მხოლოდ მისი მხრიდან“, - განაცხადა მამუკა მდინარაძემ.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება