ანა ბიბილაშვილი - კანდიდატებს ვურჩევ პოლიტიკურ გადაძახილს მოეშვან და ქალაქისთვის სასარგებლო საქმე აკეთონ

„ლელოს“ მერობის კანდიდატი ანა ბიბილაშვილი ოპონენტების მიერ ერთმანეთის დებატებში მიწვევას გამოეხმაურა და განაცხადა, რომ პოლიტიკური ქულების დაწერა კი არა რეალური საქმის კეთებაა მნიშვნელოვანი, ადამიანისა და ქალაქისთვის.

მისივე თქმით, დღეს ზოგიერთი კანდიდატი ვერ იაზრებს იმას, თუ რა სჭირდება ქალაქს და აქ მცხოვრებელ ადამიანს. ბიბილაშვილი მზადყოფნას გამოთქვამს, თითოეულ კანდიდატთან დებატები გამართოს თუ მათი საუბარი რეალური პრობლემების მოგვარებასა და თბილისის განვითარების ხედვას შეეხება, რომელიც დღეს მხოლოდ მის პარტიას აქვს.

“ვწუხვარ, რომ ზოგიერთი კანდიდატი ვერ იაზრებს იმას, თუ რა სჭირდება ქალაქს და აქ მცხოვრებ ადამიანს. ჯობია პოლიტიკურ გადაძახილს მოეშვან და საქმე აკეთონ რეალურად. ვისაც პრეტენზია აქვს, რომ ამ ქალაქის მმართველობა თავის ხელში აიღოს და ადამიანის საკეთილდღეოდ მიიღოს გადაწყვეტილებები, ვალდებულია დაჯდეს დებატებში და დაამტკიცოს, რომ მას აქვს ქალაქის განვითარების რეალური ხედვა. თითოეულ კანდიდატს დავუჯდები დებატებში, ერთად იქნებიან თუ ცალკე არ აქვს მნიშვნელობა, რადგან მე და ჩემს გუნდს გვაქვს კონკრეტული პასუხები ადამიანების საჭიროებაზე, კონკრეტული ხედვა ქალაქის განვითარებაზე და თუ ვინმეს ამაზე პასუხები გააჩნია ძალიან კარგად გამოჩნდება დებატებში“,-აცხადებს ბიბილაშვილი.

"ლელოს" მერობის კანდიდატი იმასაც უსვამს ხაზს, რომ თითოეული კანდიდატი ვალდებულია პასუხისმგებლიანად მოექცნენ იმ პროცესებს, რომელშიც არის ქვეყანა და თბილისი.

„ყველა უნდა დავსხდეთ დებატებში და ვისაუბროთ იმ პრობლემებზე, რომელიც ქალაქს გააჩნია. სამწუხაროდ, არც ისეთი ცოტა პრობლემა აქვს თბილისს. ვიზრუნოთ ქალაქზე, ეს არის ჩემი და ჩემი გუნდისთვის ყველაზე მნიშვნელოვანი“,- განაცხადა ბიბილაშვილმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი