თბილისის საქალაქო სასამართლოში მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი მიმდინარეობს

თბილისის საქალაქო სასამართლოში ე.წ. ფულის გათეთრების საქმეზე მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესი მიმდინარეობს.

დღევანდელ პროცესზე მოწმის სახით აღნიშნულ საქმეში მონაწილე გამომძიებლები დაიკითხებიან. ადვოკატის, კახა წერეთლის ინფორმაციით, საუბარი იქნება იმაზე თუ როგორ მოიპოვეს გამომძიებლებმა საქმეში არსებული მტკიცებულებები და მათგან განსაკუთრებული ჩვენების მოლოდინი არ აქვს.

„დღეს ჩვენთვის ცნობილია, რომ დაიკითხებიან გამომძიებლები, მათგან რაიმე განსაკუთრებულ ჩვენებას არ ველოდებით, საუბარი იქნება იმაზე თუ როგორ მოიპოვეს მათ მტკიცებულებები. დღეს ისევე, როგორც აქამდე, დაცვის მხარის საზიანო მტკიცებულება არ მოგვისმენია და არც დღეს ველოდებით რაიმე განსაკუთრებულს. ეს საქმე აუცილებლად უნდა დასრულდეს გამამართლებელი განაჩენით, ჩემი დაცვის ქვეშ მყოფებს აქვთ მოსაზრება, რომ ეს უკავშირდება მოახლოებულ არჩევნებს, თუმცა თავს შევიკავებ ამ შეფასებისგან”, - აღნიშნა კახა წერეთელმა.

ცნობისთვის, მამუკა ხაზარაძეს და ბადრი ჯაფარიძეს ბრალი 2019 წლის 24 ივლისს წარედგინათ, ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით). რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს