ციციშვილის ბავშვთა ახალი კლინიკის სამედიცინო დირექტორის მაია ჩხაიძის განცხადებით, ამჟამად კლინიკაში კორონავირუსით ინფიცირებული 95 პაციენტია მოთავსებული, რომელთაგან 20 რეანიმაციულ განყოფილებაშია მოთავსებული.
როგორც მან „ინტერპრესნიუსს“ განუცხადა, რამდენიმე ბავშვის ჯანმრთელობის მდგომარეობა მძიმეა და ისინი მართვით სუნთქვაზე იმყოფებიან.
„ამჟამად წევს 95 პაციენტი, მშობელიც და ბავშვი ერთად, მათგან 20 პაციენტი რეანიმაციაშია. 45 დღის ბავშვი მართვით სუნთქვაზეა უკვე 3 კვირაა, კიდევ რამდენიმე პაციენტის ჯანმრთელობის მდგომარეობაა მძიმე. კიდევ ერთი პაციენტია, რომლის მდგომარეობაც ასევე მძიმეა. ეს ბავშვი ქუთაისიდან გადმოიყვანეს, მართვით სუნთქვაზე იმყოფებოდა, მაგრამ უკვე ორ კვირაზე მეტია მართვითი სუნთქვიდან მოხსნილი იყო. თუმცა, ბავშვს ცერებრალური დამბლა აქვს, ღრმა ჩამორჩენა გონებრივი და ფსიქომოტორული განვითარების, ასევე ეპილეფსია. პაციენტს გულყრები დაეწყო, რის გამოც მართვით სუნთქვაზე გადავიყვანეთ“, - განაცხადა ჩხაიძემ.