ირაკლი ღარიბაშვილი - სააკაშვილმა და მისმა მაფიოზურმა ბანდამ არნახული სიბოროტე ჩაიდინეს ჩვენი ხალხის წინააღმდეგ - არჩევნების შემდეგ ყველა მოღალატეს და მტერს საკადრის პასუხს გავცემთ

2012 წლის 1-ელ ოქტომბერს ჩვენ ყველამ ერთად ისტორიული გამარჯვება მოვიპოვეთ იმ მჩაგვრელ, უსამართლო, ანტისახელმწიფოებრივ ძალასთან, რომელიც ყოველდღე ჩაგრავდა ჩვენს მოსახლეობას, ყოველდღე ებრძოდა საკუთარ ხალხს და ქვეყანას, - ამის შესახებ საქართველოს პრემიერ-მინისტრმა ირაკლი ღარიბაშვილმა „ქართული ოცნების“ ხაშურის მერობის კანდიდატის, თენგიზ ჩიტიაშვილის წარდგენისას განაცხადა.

მთავრობის მეთაურმა ვალერი გელაშვილთან დაკავშირებული ისტორია გაიხსენა და აღნიშნა, რომ ასე უსწორდებოდა სააკაშვილის მჩაგვრელი სისტემა მოქალაქეებს.

„ვიმყოფებით რა ხაშურში, მე ვხედავ ღირსეულ კაცს - ვალერი გელაშვილს. მინდა, მას მივესალმო და ერთი კონკრეტული კაცის ისტორია გავიხსენოთ. არ შემიძლია, არ გამოვეხმაურო კიდევ ერთხელ ამას - ადამიანი, რომელიც არის სიმბოლო იმ მჩაგვრელ სისტემასთან დაპირისპირების, კაცი, რომელმაც არ დაუხარა თავი, არ შეურიგდა იმ ჩაგვრას და უსამართლობას, კარგად ვნახეთ მთელმა საქართველომ, მთელმა მოსახლეობამ, როგორ გაუსწორდა პირადად სააკაშვილი, ეს ბოროტი მასხარა კაცი და ლამის მოკლეს ვალერი გელაშვილი. რატომ?! იმის გამო, რომ ამ კაცმა მისი ხუშტურები არ აიტანა და თავი არ დაუხარა. ასე უსწორდებოდნენ სააკაშვილის მჩაგვრელი ადამიანები და მჩაგვრელი სისტემა ჩვენს მოქალაქეებს - ბიზნესმენებს, წარმატებულ ადამიანებს, სპორტსმენებს, ყველა პროფესიის ადამიანს, პედაგოგებს, პოლიციელებს, ჯარისკაცებს, ყველას ექცეოდნენ უღირსად და შეურაცხმყოფლად.

ჩვენ ეს ყველაფერი 2012 წლის 1-ელ ოქტომბერს, ბიძინა ივანიშვილის ლიდერობით დავასრულეთ და დავასრულეთ სამუდამოდ, ისე, რომ მეორედ ამ ადამიანებს არ მივცემთ ჩვენი ქვეყნის დანგრევის და ჩვენი ხალხის დაჩაგვრის უფლებას. ამ ადამიანებმა, სააკაშვილმა, მისმა მკვლელებმა და მაფიოზურმა ბანდამ, რომელიც ჩვენს ქვეყანას 9 წლის განმავლობაში მართავდა, არნახული სიბოროტე ჩაიდინეს ჩვენი ხალხის წინააღმდეგ და სამწუხაროდ, ეს დღესაც გრძელდება. დღესაც თუ რაიმე ხდება, ეს არის პირდაპირი საინფორმაციო, ფსიქოლოგიური ომი ჩვენი ხალხის წინააღმდეგ. მე-9 წელია, ჩვენი ხალხი ამ ომს უძლებს, იმ სიბინძურეს, რომელიც მათი ტელევიზიებიდან მომდინარეობს. ეს არის პირდაპირ ქართველი ხალხის, სახელმწიფოს, ეკლესიის წინააღმდეგ მიმართული ბრძოლა, ბრძოლა, რომელშიც ისინი დამარცხდებიან 2 ოქტომბერს კიდევ ერთხელ.

არჩევნების შემდეგ ყველა მოღალატეს და მტერს საკადრის პასუხს გავცემთ“, - განაცხადა პრემიერ-მინისტრმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს