კულტურის კომიტეტზე ნატა ფერაძესა და გრიგოლ ვაშაძეს შორის სიტყვიერი დაპირისპირება მოხდა

კულტურის კომიტეტზე ხელოვნების მუზეუმთან დაკავშირებით 2500 მოქალაქის პეტიციაზე მსჯელობისას სამოქალაქო აქტივისტ ნატა ფერაძესა და დეპუტატ გრიგოლ ვაშაძეს შორის სიტყვიერი დაპირისპირება მოხდა.

ნატა ფერაძემ ხელოვნების მუზეუმთან დაკავშირებით წარმოთქმულ ვაშაძის პოზიციას კრიტიკით უპასუხა და მის შეფასებას სისულელე უწოდა, რამაც გრიგოლ ვაშაძე გააღიზიანა.

„ქალბატონი რომ არ იყოთ, სხვანაირად დაგელაპარაკებოდით. ზრდილობა ისწავლეთ უპირველეს ყოვლისა. მშვენივრად ვიცი, რასაც ვლაპარაკობ, თქვენგან განსხვავებით. ზრდილობა და ქცევა ისწავლეთ, ფეხი ჩამოწიეთ და ისე ისაუბრეთ. გეგონებათ ოჯახში გაიზარდეთ“, - მიმართა გრიგოლ ვაშაძემ ნატა ფერაძეს.

ცნობისთვის, კომიტეტის სხდომაზე ვაშაძემ განაცხადა, რომ აბსოლუტური დეჟავუ აქვს.

„გეგონება უკან გადავედი, ხელისუფლებაში ვარ და ოპოზიცია გვედავება მესტიის მუზეუმზე, რომ ექსპონატების გაყიდვას ვაპირებთ, ყველაფერს ვანადგურებთ და ა.შ. იმას კი არ ვამბობ, რომ კმაყოფილი ვარ, რაც დღეს ხდება, მართლა აღარ შეიძლება ყველაფრის პოლიტიზირება. ის შენობა ინგრევა, ეს ვიცი. შვილი და სტუმრები მყავდა. ის რომ ექსპონატები გადასარჩენია, ფაქტია. სარდაფში თუ ვინმე ჩაბრძანებულხარ, ნახავთ, რა დღეშია ფუნდამენტი“, - აღნიშნა ვაშაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს