კობა გვენეტაძე „ფრეიზერის“ რეიტინგზე - ეს შეფასება ადასტურებს ეროვნული ბანკის მიერ გატარებული ფულად-საკრედიტო პოლიტიკის სისწორეს

საქართველოს ეროვნული ბანკის პრეზიდენტი, კობა გვენეტაძე „ფრეიზერის ინსტიტუტის“ მიერ გამოქვეყნებულ რეიტინგს გამოეხმაურა და აღნიშნა, რომ რეიტინგი მნიშვნელოვანია განვითარებადი ქვეყნებისთვის, რამდენადაც ის გავლენას ახდენს ქვეყნის საინვესტიციო მიმზიდველობაზე, მათ შორის საერთაშორისო ინვესტორების ნდობაზე.

მან ასევე ხაზი გაუსვა ეროვნული ბანკის მიერ გატარებული პოლიტიკის დადებით ეფექტს და მნიშვნელობას.

„ის ბოლო მაჩვენებელი რომელიც გამოქვეყნდა, არის გაუმჯობესებული საქართველოსთვის და ეროვნულმა ბანკმაც მისი პოლიტიკით თავისი წვლილი შეიტანა ამ გაუმჯობესებაში. აქ რამდენიმე ფაქტორია: ერთი არის საკრედიტო ბაზრის რეგულაცია, სადაც მაქსიმალურთან მიახლოებული ქულა აქვს საქართველოს. ამავე დროს, ინფლაციის მერყეობის შეფასება სადაც ასევე, მაქსიმალურთან ახლოს არის აღნიშნული ქულა“, - განაცხადა კობა გვენეტაძემ.

ეროვნული ბანკის პრეზიდენტის თქმით, ასეთი ინსტიტუტების დადებით შეფასებას მსოფლიოში არსებული გამოწვევების ფონზე, კიდევ უფრო დიდი მნიშვნელობა აქვს.

„პანდემიამ უარყოფითი გავლენა იქონია ეკონომიკაზე, როგორც გლობალურად ასევე საქართველოში. ასეთ დროს სწორი გადაწყვეტილების მიღება კიდევ უფრო მნიშნველოვანია და ეს შეფასება მოწმობს ეროვნული ბანკის მიერ გატარებული ფულად-საკრედიტო პოლიტიკის სისწორეს. ხშირად გაუკრიტიკებიათ ეროვნული ბანკი, სხვადასხვა რეგულაციების გამო, რომელიც ჩვენ მივიღეთ იმისათვის, რომ ფინანსური სტაბილურობა შეგვენარჩუნებინა ქვეყანაში და მოგვემზადებინა ზოგადად სისტემა ასეთი სირთულეებისთვის. ამ შეფასების მიხედვით, საკრედიტო ბაზარი არის შეფასებული, როგორც ერთ-ერთი ყველაზე ღია და ლიბერალურად მოქმედი ბაზარი“, - აღნიშნა კობა გვენეტაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს