მოსმენები, რომ გრძელდება, ეს სამწუხარო ფაქტია - ეს არის პირდაპირი მცდელობა, რომ „ქართულმა ოცნებამ“ მიითვისოს და ხელში მოიგდოს ყველა ინსტიტუტი, რაც კი ქვეყანაში არსებობს, - ამის შესახებ „პალიტრანიუსის“ გადაცემაში „რეზიუმე“ „ლელო საქართველოსთვის“ თბილისის მერობის კანდიდატმა ანა ბიბილაშვილმა განაცხადა, რითაც სავარაუდოდ, სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენის თაობაზე ინტერნეტ სივრცეში გავრცელებულ მასალებს გამოეხმაურა.
მისი თქმით, ქვეყანაში ბოლო დროს განვითარებული პროცესები წინასაარჩევნო გარემოს ხელს უშლის.
„სამწუხაროდ, ჩნდება განცდა, რომ ამ ქვეყანაში ყველას უსმენენ და რატომ? ეს არის პირდაპირი მცდელობა, რომ „ქართულმა ოცნებამ“ მიითვისოს და ხელში მოიგდოს ყველა ინსტიტუტი, რაც კი ქვეყანაში არსებობს. ეს არის მახინჯი სისტემა, რომელიც სამწუხაროდ, ვერ დავარღვიეთ და ვერ გავარღვიეთ. ეს პროცესი, რომელსაც უკვე 2 დღეა ვუყურებთ და დაანონსებულია, რომ კიდევ გაგრძელდება, სამწუხაროდ, ხელს უშლის იმ წინასაარჩევნო გარემოს, რომელიც ძალიან მნიშვნელოვანია ამ ქვეყნისთვის და ძალიან მნიშვნელოვანია ამ ქალაქისთვის. პროცესები მიდის იმ მიმართულებით, რომ ადამიანებს უჩნდებათ უფრო მეტი ნიჰილიზმი და უიმედობის განცდა“, - განაცხადა ანა ბიბილაშვილმა.