ანრი ოხანაშვილი - მელიას წარმოდგენა თუ აქვს, რას ნიშნავს აღსარება ან ზიარება - ცინიზმია, რომ „ნაცმოძრაობა“ და მიშა სააკაშვილი გვევლინებიან ეკლესიის და აღსარების საიდუმლოს დამცველად

ეს არის უკიდურესი ცინიზმი, ნიკანორ მელია რომ მოგვევლინა დღეს აღსარების საიდუმლოს დამცველად, - ასე გამოეხმაურა იურიდიულ საკითხთა კომიტეტის თავმჯდომარე ანრი ოხანაშვილი თბილისის მერობის კანდიდატის, „ერთიანი ნაციონალური მოძრაობის“ თავმჯდომარის ნიკა მელიას საგანგებო ბრიფინგს უკანონო მოსმენებთან დაკავშირებით.

ოხანაშვილის თქმით, მელია წლების განმავლობაში აღსრულების ბიუროს წარმოადგენდა, სადაც „ხალხს უყიდდნენ ქონებას და აუბედურებდნენ“.

„არ ვიცი, საერთოდ წარმოდგენა თუ აქვს რას ნიშნავს ან აღსარება ან ზიარება. ეს არის ცინიზმი, რომ „ნაციონალური მოძრაობა“ და ნიკანორ მელია წარმოუდგა დღეს ეკლესიის დამცველად. ხალხი, რომლებიც არიან მტრები ეკლესიის. ეს არის მათი ნაბიჯები დადასტურებული, მაგრამ ჩვენი საზოგადოება ხომ ამას კარგად აფასებს და ძალიან კარგად შეაფასებს ამას არჩევნებზე. თუკი ვინმე გასასამართლებელია და პასუხისგებაში მიცემულია უკვე, ეს არიან მათი ხელისუფლების ის წარმომადგენლები, რომელთა ექსტრადირება იგეგმება. ე.წ. იმ ქმედებების კასკადის ჩამდენები, როგორიც იყო მაგალითად, გაუპატიურება, წამება... ნიკანორ მელია მეგის ქარდავას თანაგუნდელი იყო, აღსრულების ბიუროს წარმოადგენდა, სადაც ხალს უყიდიდნენ ქონებას და აუბედურებდნენ მათ, მომავალს უკარგავდნენ - ეს ადამიანი, მიშა სააკაშვილი და „ნაციონალური მოძრაობა“ გვევლინებიან დღეს ეკლესიის და აღსარების საიდუმლოს დამცველად“, - განაცხადა ანრი ოხანაშვილმა.

ანდრი ოხანაშვილის განცხადებით, „ნაციონალური მოძრაობა“, რასაც თვითონ აკეთებდა, იმის „ოცნებისთვის“ დაბრალებას ცდილობს.

„უნდა დავსვათ შეკითხვა, ხომ არ განხორციელდა ეს სხვა კერძო პირის მიერ, ხომ არ ჰქონდა ადგილი დაგეგმილ, მიზანმიმართულ, წლების განმავლობაში ისეთ უკანონო ქმედებას, რომელიც შესაძლებელია განხორციელდა თუნდაც პოლიტიკური ჯგუფების, წარმომადგენლების თუ სხვა პირების მიერ. სხვადასხვა ვერსიები უნდა იყოს განხილული. აპრიორი ერთი დასკვნის გაკეთება ეს არ არის სწორი და ეს არის „ნაციონალური მოძრაობის“ დღის წესრიგი, რასაც თვითონ აკეთებდნენ ამის დაბრალება უნდათ ახლა „ოცნებისთვის““, - განახადა ანრი ოხანაშვილმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს