ლორთქიფანიძის ქუჩის მიმდებარედ არსებულ სამშენებლო ტერიტორიაზე სკვერი მოეწყობა

ვაკეში, ლორთქიფანიძის ქუჩაზე რეკრეაციული სივრცე მოეწყობა-ამის შესახებ თბილისის მერობის კანდიდატმა კახა კალაძემ ვაკის რაიონის მაჟორიტარი დეპუტატობის კანდიდატ გიორგი ტყემალაძესთან ერთად გამართულ ფეისბუქ-ჩართვისას" განაცხადა.

კახა კალაძის თქმით, კომპანიასთან, რომლის მიერ არასწორად წარმოებული სამშენებლო სამუშაოების შედეგად ადგილზე გარკვეული სახის პრობლემები შეიქმნა, განხორციელდება ადგილმონაცვლეობა, გამოთავისუფლებულ ტერიტორიაზე კი სკვერი მოეწყობა.

„ამ ტერიტორიას გამოვიყენებთ რეკრეაციული სივრცის მოსაწყობად. აუცილებლად გავაკეთებთ სკვერს, სადაც გექნებათ შესაძლებლობა, დაისვენოთ და განიტვირთოთ. ადგილმონაცვლეობას გავაკეთებთ არსებულ კომპანიასთან, რომელმაც არასწორად აწარმოა სამუშაოები და შედეგიც ვნახეთ - ფერდი ჩამოიშალა“, - განაცხადა კახა კალაძემ.

ვაკის რაიონის მაჟორიტარი დეპუტატობის კანდიდატის, გიორგი ტყემალაძის თქმით, აღნიშნულ ტერიტორიაზე სკვერის მოწყობა ადგილობრივებისთვის ძალიან მნიშვნელოვანია.

„მერიის მხრიდან მიღებულია გადაწყვეტილება, რომ იმ ტერიტორიაზე, სადაც ცოტა ხნის წინ იყო პრობლემა გარკვეული მასის ჩამოსვლასთან დაკავშირებით, განხორციელდება მონაცვლეობა კომპანიასთან და იქ გაკეთდება ძალიან კარგი სარეკრეაციო სივრცე, რაც ძალიან მნიშვნელოვანია ლორთქიფანიძის ქუჩის მცხოვრებთათვის. ვფიქრობ, უკვე ძალიან მალე მივიღებთ კონკრეტულ გადაწყვეტილებებს, სამართლებრივად და იურიდიული პროცედურების გავლით, რომ რეალურად გადავალთ ამ საკითხის განხორციელებაზე“, - აღნიშნა გიორგი ტყემალაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს