ეკატერინე ტიკარაძე CDC-ის გლობალური ჯანდაცვისა და ვირუსული ჰეპატიტების ასოცირებულ დირექტორს შეხვდა

ჯანდაცვის მინისტრი ეკატერინე ტიკარაძე აშშ-ის დაავადებათა კონტროლისა და პრევენციის ცენტრის გლობალური ჯანდაცვისა და ვირუსული ჰეპატიტების ასოცირებულ დირექტორს ფეიჯ არმსტრონგს შეხვდა.

შეხვედრის დროს მხარეებმა C ჰეპატიტის ელიმინაციის პროგრამასა და სეროპრევალენტობის კვლევებზე ისაუბრეს, რომელიც აშშ-ის დაავადებათა კონტროლისა და პრევენციის ცენტრების (CDC) მიერ ფინანსდება. ინფორმაციას ამის შესახებ ჯანდაცვის სამინისტრო ავრცელებს.

„შევხვდით CDC-ის გლობალური ჯანდაცვისა და ვირუსული ჰეპატიტების წარმომადგენლებს. ისინი საქართველოში C ჰეპატიტის ელიმინაციის პროგრამის მიმდინარეობის შესახებ შედეგების შესასწავლად იმყოფებიან. C ჰეპატიტის ელიმინაციის პროგრამა უწყვეტად გრძელდება და ამ პროგრამას ძალიან მნიშვნელოვანი შედეგები აქვს. ვისაუბრეთ სეროპრევალენტობის კვლევებზეც, რომელიც აშშ-ის დაავადებათა კონტროლისა და პრევენციის ცენტრების (CDC) მიერ ფინანსდება“, - განაცხადა ეკატერინე ტიკარაძემ.

ამასთან, CDC-ისა და NCDC-ის თანამშრომლების მიერ საველე და ლაბორატორიული ჯგუფებისათვის კვლევის დიზაინისა და მეთოდოლოგიის შესახებ ჩატარდა ხუთდღიანი პრაქტიკული ტრენინგი, ასევე საცდელი საველე სამუშაოები. გარდა ამისა, ეპიდემიოლოგები კვლევაში შერჩეულ პირებთან ატარებენ ინტერვიუს კითხვარის მეშვეობით. იმავე პირებს უტარდებათ სისხლის ლაბორატორიული ტესტირება სამ ვირუსულ ინფექციაზე (SARS-CoV-2, ვირუსული B და C ჰეპატიტები). აღნიშნული ლაბორატორიული კვლევებით დადგინდება გადატანილი და/ან მიმდინარე ინფექციების არსებობა.

„ჩვენი შეხვედრის მთავარი მიზანი წარმატების აღნიშვნაა. ვისაუბრეთ C ჰეპატიტის ელიმინაციის პროგრამაზე. საქართველოსა და ამერიკის შეერთებული შტატების მხრიდან ამ პროგრამის მხარდაჭერა ძალიან მნიშვნელოვანია. მინისტრთან ერთად სამომავლო გეგმებიც განვიხილეთ“,-ამის შესახებ აშშ-ის დაავადებათა კონტროლისა და პრევენციის ცენტრის გლობალური ჯანდაცვისა და ვირუსული ჰეპატიტების ასოცირებულმა დირექტორმა, ფეიჯ არმსტრონგიმ განაცხადა.

ცნობისთვის, სეროპრევალენტობის კვლევის მიზანია, უზრუნველყოს მოსახლეობაში ინფექციის გავრცელების სრულყოფილი შეფასება მთელი ქვეყნის მასშტაბით.

იხილეთ ვიდეო:ეკატერინე ტიკარაძე CDC-ის გლობალური ჯანდაცვისა და ვირუსული ჰეპატიტების ასოცირებულ დირექტორს შეხვდა

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს