საქართველოში 2021 წლის იანვარ-ივნისში ცოცხლად დაბადებულთა რიცხოვნობამ 21 839 ბავშვი შეადგინა, ამავე პერიოდში ქვეყანაში 25 821 ადამიანი გარდაიცვალა. ამის შესახებ ინფორმაციას საქართველოს სტატისტიკის ეროვნული სამსახური ავრცელებს.

მათივე განმარტებით, 2021 წლის პირველ ნახევარში ბუნებრივი მატება (სხვაობა ცოცხლად დაბადებულთა და გარდაცვლილთა რიცხოვნობას შორის) -3 982 კაცით განისაზღვრა. ბუნებრივი მატების დადებითი მაჩვენებელი მხოლოდ ქვეყნის ორ რეგიონში აჭარის ავტონომიურ რესპუბლიკასა (717) და ქვემო ქართლში (195) დაფიქსირდა.

სტატისტიკის ეროვნული სამსახური დაქორწინებისა და განქორწინების რაოდენობროვ მაჩვენებლებსაც ასაჯაროვებს. მათი ინფორმაციით, 2021 წლის 6 თვეში რეგისტრირებულია ქორწინების 9 163 და განქორწინების 4 675 შემთხვევა.