ბიზნეს დაჯილდოება 2021 იწყება

ბიზნეს დაჯილდოება 2021 განახლებული ნომინაციებითა და ახალი ფორმატით დაიწყო. ამის შესახებ ინფორმაციას „თიბისი“ ავრცელებს.

დაჯილდოება მიზნად ისახავს, წაახალისოს ის ბიზნესები, რომლებიც განვითარებას არ წყვეტენ და მუდმივად ცდილობენ რაღაც ახალი, საინტერესო და გამოსადეგი შესთავაზონ მომხმარებელს. წელს დაჯილდოებას ორი ნომინაცია დაემატა.

„უკვე მეექვსე წელია, „თიბისი“ ქვეყანაში ყველაზე მასშტაბურ ბიზნეს დაჯილდოებას წარმატებით ატარებს, რომლის მიზანიც ბიზნეს სოციუმის შექმნა და ბიზნესების მხარდაჭერაა. 2016 წლიდან დღემდე დაჯილდოებაში 2500-მდე კომპანიამ მიიღო მონაწილეობა.

დაჯილდოება მიზნად ისახავს, წაახალისოს ის ბიზნესები, რომლებიც განვითარებას არ წყვეტენ და მუდმივად ცდილობენ რაღაც ახალი, საინტერესო და გამოსადეგი შესთავაზონ მომხმარებელს, იქნება ეს მომხმარებელზე ორიენტირებული თუ ინოვაციური პროდუქტი ან მომსახურება.

წელს დაჯილდოებას ორი მნიშვნელოვანი ნომინაცია დაემატა, ჟიური საუკეთესო ბიზნესებს შემდეგ ნომინაციებში გამოავლენს: საუკეთესო პროდუქტის ან მომსახურების შექმნისთვის; საუკეთესო ინოვაციური სტარტაპისთვის; გამორჩეული სოციალური პასუხისმგებლობისთვის; საუკეთესო ბიზნეს თანამშრომლობისთვის; გამორჩეული როლისთვის რეგიონის განვითარებაში.

თითოეულ ნომინაციაში საუკეთესოს გამოსავლენად ბიზნესის სხვადასხვა სფეროში მომუშავე ადამიანების ჯგუფი იზრუნებს, რომლებიც გამარჯვებულებს რამდენიმე კრიტერიუმით გამოავლენენ.

„თიბისი“ ბიზნესისთვის და ჟიურისთვის მნიშვნელოვანია თითოეულ ნომინაციაში აღმოაჩინონ ისეთი ბიზნესები, რომლებიც თავიანთი საქმიანობით საზოგადოებაზე დადებით გავლენას ახდენენ, არიან შთამაგონებლები სხვებისთვის და უკეთესობისკენ ცვლიან მომხმარებლის ქცევას.

წელს გამარჯვებულები თავიანთ ბიზნესებზე მორგებულ და მათთვის საჭირო ახალ პრიზებს აირჩევენ. „თიბისი“ მათ მხარდაჭერას სამი მიმართულებით სთავაზობს: ახალი ვებგვერდის შექმნა; ბრენდის სტრატეგიის შექმნა; მედია მხარდაჭერის უზრუნველყოფა.

მონაწილეთა რეგისტრაცია დღეიდან დაიწყება ვებგვერდზე www.businessaward.ge და 15 ოქტომბრის ჩათვლით გაგრძელდება. გამარჯვებულები კი, დეკემბერში გამოვლინდებიან.

ბიზნესდაჯილდოების პარტნიორები არიან: EFSE Entrepreneurship Academy და Forbes Georgia“, - ნათქვამია გავრცელებულ ინფორმაციაში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს