ქსელის გეგმური სარეაბილიტაციო სამუშაოების გამო, 16 სექტემბერს 06:00-დან 09:00 საათამდე ელექტროენერგიის მიწოდება შეეზღუდება აბონენტებს მცხეთის რაიონის სოფლებში საგურამო, ბურიანი, ბიწმენდი, წინამძღვრიანთკარი, ნავდარაანთკარი, კოტორაანთკარი, ზაქარო, ახალსოფელი, არაშენდა და მიმდებარე სოფლებში; 13:00-დან 19:30 საათამდე აბონენტებს მცხეთაში სამხედროს, გმირის, შრომის, პლატინის, აღმაშენებლის და მიმდებარე ქუჩებზე.

ამის შესახებ ინფორმაციას „ენერგო-პრო ჯორჯია“ ავრცელებს.

ამასთან, ელექტროენერგია 14:00-დან 19:00 საათამდე დროებით შეეზღუდებათ აბონენტებს დუშეთის რაიონის სოფლებში ჩანადირთკარი, ბაგა, ყარსიმაანთკარი, საშაბურო და მიმდებარე სოფლებში; 15:00-დან 17:00 საათამდე აბონენტებს მცხეთის რაიონის სოფელ ქსანში.

სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.