გიორგი ვაშაძე - ყველამ კარგად ვიცით, რომ სუს-ი ანგარიშვალდებულია ბიძინა ივანიშვილთან

ყველამ კარგად ვიცით, რომ სუს-ი ანგარიშვალდებულია ბიძინა ივანიშვილთან, - ამის შესახებ „მესამე ძალა - სტრატეგია აღმაშენებლის" ლიდერმა გიორგი ვაშაძემ ჟურნალისტებთან განაცხადა.

პარტიის ლიდერი მიმდინარე მოვლენების მიზეზად ორ საკითხს ასახელებს- პირველი, რომ სისტემა შიგნიდან ინგრევა და ინფორმაცია გარეთ ამიტომ გამოდის და მეორე, შეიძლება ეს ყველაფერი მიზან მიმართულად ხდებოდეს.

„სიბინძურის ნთხევა ყოველი არჩევნების წინ არის სტანდარტი. გვინდა ეს დავამთავროთ?! ამისთვის არის „მესამე ძალა", არც წარსულის სიბინძურეების დაბრუნება და არც არსებული, არამედ ერთხელ და სამუდამოდ ჩავაბაროთ ისტორიას ეს ბინძური საბჭოთა კაგებეშნიკური პრაქტიკა, რომ ყველას უსმენენ და უთვალთვალებენ. ჩვენ, „მესამე ძალა-სტრატეგია აღმაშენებელი" გარანტი ვართ იმის, რომ ჩვენი მხარდაჭერის შემთხვევაში სუს-ი აღარ იარსებებს, პოლიტიკური მიყურადებები შეწყდება და ყველა ის ადამიანი, რომელიც პერსონალურად ერევა სხვის ცხოვრებაში პასუხს აგებს კანონის წინაშე. ფაქტია, რომ სპეცსამსახურების ჩარევის გარეშე ასეთი მასობრივი თვალთვალი და მიყურადებები ვერ მოხდებოდა. ჩემი აზრით ორ საკითხთან გვაქვს საქმე, ერთი არის, რომ სისტემა შიგნიდან იშლება და ინფორმაციები გარეთ გამოდის, მეორე, რომ შეიძლება ეს ყველაფერი მიზანმიმართულად ხდებოდეს, მათ შორის ეკლესიაზე შეტევაც. ყველამ კარგად ვიცით, რომ სუს-ი ანგარიშვალდებულია ბიძინა ივანიშვილთან, მაგრამ ჩვენთვის მთავარი არის, რომ საბჭოთა კაგებეშნიკური წარსული დავასრულოთ", - განაცხადა გიორგი ვაშაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს