"ლელოს" ახალგაზრდული ორგანიზაციის წარმომადგენლებმა სუს-ის შენობასთან აქცია -"ნუ გვისმენთ" გამართეს

„ლელოს" ახალგაზრდული ორგანიზაციის წარმომადგენლებმა სუს-ის შენობასთან საპროტესტო აქცია -"ნუ გვისმენთ" გამართეს. ამის შესახებ ინფორმაციას პარტია „ლელო“ ავრცელებს.

როგორც აქციის ერთ-ერთმა მონაწილემ ოთარ ფარულავამ ჟურნალისტებთან განაცხადა, "ქართული ოცნების" ხელისუფლება მოსმენა-მიყურადებას ახორციელებს, შესაბამისად, მათი საპროტესტო აქციები პერმანენტულ რეჟიმში გაგრძელდება.

"გასული დღეების განმავლობაში ჩვენთვის ნათელი გახდა, რომ უსაფრთხოების სამსახური ჩვენი ქვეყნის უსაფრთხოების დაცვის ნაცვლად დაკავებულები არიან უკანონო მიყურადებით. შემდეგ მოპოვებული ინფორმაციებით კი აშანტაჟებენ ადამიანებს. "ლელოს" ახალგაზრდული ორგანიზაცია მოვითხოვთ ქვეყანაში ერთხელ და სამუდამოდ დასრულდეს უკანონო მიყურადება და თვალთვალი. აუცილებელია ჩატარდეს ობიექტური გამოძიება და ის ადამიანები, რომლებიც არიან დამნაშავეები მიეცეს პასუხისმგებლობაში. "ლელოს" ახალგაზრდული ორგანიზაცია სწორედ ამ მიზეზით ვიმყოფებით სახელმწიფო უსაფრთხოების სამსახურის შენობასთან. ჩვენ ამ ბოროტ სისტემასთან ბრძოლას ყოველდღიურ რეჟიმში გავაგრძელებთ, არ ვაპირებთ დანებებას", - განაცხადა ოთარ ფარულავამ.

უკანონო მოსმენებთან დაკავშირებით სუს-თან აქციებს აანონსებს „ლელოს" ახალგაზრდულის წევრი ეკა ტეფნაძეც.

"ჩვენ ის თაობა ვართ, რომელიც ახლა აქ ვართ, დავიბადეთ იმ სახელმწიფოში, რომელიც უნდა ყოფილიყო თავისუფალი, მაგრამ "ქართულმა ოცნებამ" ამის საშუალება არ მოგვცა. ჩვენ შევიკრიბეთ აქ იმისთვის, რომ შეწყდეს თვალთვალი და მოგვეცეს საშუალება ვიცხოვროთ თავისუფალ სახელმწიფოში, საბჭოთა პერიოდში დაბრუნება ჩვენ არ გვინდა", - განაცხადა ეკა ტეფნაძე.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს