ბატონმა გახარიამ პოლიტიკური სითამამე თავისთვის შეინახოს - კარგი იქნებოდა, ხელების ბაკუნი და ვითომ სითამამე მაშინ გამოევლინა, როცა ნიკანორ მელიას დაპატიმრების საკითხი წყდებოდა, მანდ დავინახეთ ვინ არის ვაჟკაცი და თამამი, - ასე გამოეხმაურა "ქართული ოცნების" დეპუტატი გიორგი ამილახვარი მმართველი გუნდის მისამართით გიორგი გახარიას განცხადებას.
"კანონის წინაშე ყველა თანასწორია. შესაბამისად, თუ რაიმე ფორმით გამოვლინდა "ქართული ოცნების" წევრის თუ გახარიას პარტიის წევრის შესაძლო ბრალეულობა, თეორიულად ავთენტური ჩანაწერების ჩაწერასა და გამოქვეყნებაში, კანონის წინაშე ნებისმიერი პირი პასუხისმგებაში იქნება მიცემული", - განაცხადა გიორგი ამილახვარმა.