მამუკა მდინარაძე - შეიძლება ვიღაცას ეჭვი გაუჩნდეს რაღაცაზე, როდესაც რომელიღაც კლინიკის მეპატრონე  „ნაცმოძრაობის“ აქტიური წევრია, მე ქართველი ექიმებისგან ამას არასდროს ველოდები

შეიძლება ვიღაცას ეჭვი გაუჩნდეს რაღაცაზე, როდესაც რომელიღაც კლინიკის მეპატრონე „ნაცმოძრაობის“ აქტიური წევრია, მე ქართველი ექიმებისგან ამას არასდროს ველოდები, - ასე უპასუხა „ქართული ოცნების“ აღმასრულებელმა მდივანმა მამუკა მდინარაძემ ბრიფინგზე დასმულ კითხვას - ხომ არ არის იმის საშიშროება, რომ „ნაციონალური მოძრაობის“ წევრის კახა ოქრიაშვილის კლინიკას, სადაც დაშავებული ოპერატორი ლევან აბლოთია გადაიყვანეს, დიაგნოზი გაეყალბებინა.

როგორც მამუკა მდინარაძემ აღნიშნა, არ ეგულება ექიმი, „ნაცმოძრაობის“ ყველაზე აქტიური მხარდამჭერი თუ აქტივისტიც რომ იყოს, რომელიც იკადრებს, მდგომარეობის დასამძიმებლად გარკვეული სამედიცინო მანიპულაცია განახორციელოს.

„საბედნიეროდ, ოპერატორი უკვე გამოწერილია, მისი ჯანმრთელობის მდგომარეობა იმდენად დამაკმაყოფილებელია, რომ ჰოსპიტალიზაციის აუცილებლობა აღარ არის და მას შეუძლია მკურნალობა სახლში გააგრძელოს. ეს ძალიან კარგია. პირველ რიგში, ჩვენ დავინტერესდით ოპერატორის ჯანმრთელობის მდგომარეობით, თუმცა, რა გითხრათ. მე ექიმის შვილი ვარ და არ მეგულება ამ ქვეყანაში ექიმი, „ნაცმოძრაობის“ ყველაზე აქტიური მხარდამჭერი თუ აქტივისტიც რომ იყოს, რომელიც იკადრებს, გარკვეული სამედიცინო მანიპულაცია განახორციელოს იმისათვის, რომ მდგომარეობა დაამძიმოს. ამ რისკის ფაქტორს გამოვრიცხავდი და არ დავეთანხმებოდი. თუმცა შეიძლება ვიღაცას ეჭვი გაუჩნდეს რაღაცაზე, როდესაც რომელიღაც კლინიკის მეპატრონე არის „ნაცმოძრაობის“ აქტიური წევრი. მე ქართველი ექიმებისგან ამას არასდროს ველოდები“, - განაცხადა მამუკა მდინარაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს