ქობულეთში ძლიერი წვიმის შედეგად სახლები დაიტბორა, რამდენიმე სოფელში კი მეწყრული პროცესები განვითარდა

ქობულეთის მუნიციპალიტეტის რამდენიმე სოფელში ძლიერი წვიმის შედეგად მეწყრული პროცესები განვითარდა.

როგორც "ინტერპრესნიუსთან" საუბრისას ქობულეთის მერი მირიან ქათამაძე აცხადებს, სოფელ დაგვასა და ქვედა სამებაში ჩამოწოლილი მეწყერის გამო, ორი ოჯახი უსაფრთხო ადგილზე გადაიყვანეს.

მისივე განცხადებით, ქობულეთში მდინარე აჭყვას წყლის დონის მატების გამო, მიმდებარე ტერიტორიაზე რამდენიმე საცხოვრებელი სახლი და სასოფლო - სამეურნეო მიწები დაიტბორა. ადგილზე ქობულეთის მერიის შესაბამისი სამსახურები და სამაშველო ბრიგადები იმყოფებიან.

"წვიმის შედეგად, სოფლებში მეწყრული პროცესები განვითარდა. საერთო ჯამში სოფლებიდან 19 შეტყობინება შემოვიდა. მეწყრული პროცესები როგორც გზებზე, ასევე საცხოვრებელ სახლებთან დაფიქსირდა. ძირითადად მეწყერი გზებზე არის ჩამოწოლილი. უსაფრთხოების მიზნით, სოფელ დაგვასა და ქვედა სამებადან ორი ოჯახის გაყვანა გახდა საჭირო. ტერიტორიას გეოლოგები შეისწავლიან.

ამასთან, მომატებულია მდინარე აჭყვის წყლის დონე, რამაც მიმდებარე ტერიტორიაზე სახლებისა და საყანე მიწების დატბორვა გამოიწვია.

ქალაქის ტერიტორიას რაც შეეხება, საგანგაშო არაფერია, ამოტუმბვითი სამუშაოები მიმდინარეობს. ჩვენი თანამშრომლები მობილიზებული არიან ყველა ლოკაციაზე”, - აცხადებს ქობულეთის მერი.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო