გია ვოლსკი - "ნაცმოძრაობა" და მათი სატელიტები ყველაფერზე წამსვლელი ხალხია, მკვლელობაზე წამსვლელი ხალხია

გამიჯვნით ვერაფერს ვერ გაემიჯნები, მაგრამ ვალდებული ხარ, რომ ასეთ სიტუაციაში ქვეყანა გაიყვანო სამშვიდობოს, დარწმუნებული ვარ, ასეც მოხდება. პასუხი გვექნება ყველა შეკითხვაზე, მათ შორის მოსმენებთან დაკავშირებით, - ამის შესახებ პარლამენტის პირველმა ვიცე-სპიკერმა, „ქართული ოცნების“ ერთ-ერთმა ლიდერმა გია ვოლსკიმ „პალიტრანიუსის“ ეთერში გადაცემაში „თავისუფალი სტუდია“ განაცხადა.

გია ვოლსკი არ გამორიცხავს, რომ ფარული მასალების გავრცელებასთან „ნაციონალური მოძრაობაა“ კავშირში.

„ესენი ყველაფერზე წამსვლელები არიან, ნაცმოძრაობა და მათი სატელიტები. ყველაფერზე წამსვლელი ხალხია, მკვლელობაზე წამსვლელი ხალხია...

სიტუაციას შევხედოთ რა გვაქვს. არის თუ არა დამახინჯებული და მახინჯი ეს პოლიტიკური ველი, რომელიც დღეს არსებობს, დგას თუ არა ქვეყანა სერიოზული საფრთხეების წინაშე, როგორც ოკუპაციის, ასევე სოციალური, ეკონომიკური, ჯანმრთელობის დაცვის და უამრავი საკითხების წინაშე. ამ თემებს გაწაფული, სადისტური და ამ სადიზმში გამობრძმედილი პოლიტიკური ძალა და მისი სატელიტები უძღვებიან, რასაკვირველია, ქვეყანაში მუდმივად იქნება ტურბულენტური სიტუაცია, მცდელობა დესტაბილიზაციისა. მაგრამ აქამდე მოვედით. არც ინფრასტრუქტურული პროექტები გაჩერებულა, არც სოციალური პაკეტი შეწყვეტილა, არც სკოლების მშენებლობა შეჩერებულა და ის უშველებელი პროექტებიც.

ეს არის თემა და ამ თემის გარშემო ხედავთ რამდენი დაძაბულობაა, რამდენი სიბინძურეა. გამიჯვნით ვერაფერს ვერ გაემიჯნები, მაგრამ ვალდებული ხარ, რომ ასეთ სიტუაციაში ქვეყანა გაიყვანო სამშვიდობოს. დარწმუნებული ვარ, ასეც მოხდება. პასუხი გვექნება ყველა შეკითხვაზე, მათ შორის მოსმენებთან დაკავშირებით“, - განაცხადა გია ვოლსკიმ.

ამასთან, გია ვოლსკი აცხადებს, რომ შესაძლოა „ყველაფერი, რაც ხდება“ გიორგი გახარიასა და „ნაციონალური მოძრაობის“ თანამშრომლობის შედეგია.

„როდესაც პრემიერ-მინისტრი ისეთ ნაბიჯს დგამ იმ მომენტში, როდესაც დაანონსებულია „ნაცების“ და სატელიტების მიერ სახელმწიფო სტრუქტურების ჩამოშლა, სასამართლოს არ არსებობა, პოლიციის არ არსებობა, რაც დღესაც გრძელდება და აი, ამ დაანონსებას მხარს უჭერ იმითი, რომ გადადექი, მე არავითარი საფუძველი არ მაქვს, რომ გამოვრიცხო ის, რომ ყველაფერი, რაც შეიძლება ხდებოდეს, ზუსტადაც არის თანამშრომლობის შედეგი“, - განაცხადა გია ვოლსკიმ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო