„ქართული ოცნების" დეპუტატის ალუდა ღუდუშაურის შეფასებით, ის, რაც ფარულ ჩანაწერებთან დაკავშირებით ხდება, "არაადამიანურობის ფსკერის დაპყრობაა".
როგორც ღუდუშაურმა ჟურნალისტებს განუცხადა, გამოძიება აქტიურ ფაზაშია და ყველა კითხვას გასცემს პასუხს.
"ასევე პასუხი გაეცემა კითხვებს, მთელი ამ ხნის განმავლობაში ხომ არ იყო გარკვეული მოდელირება, ხომ არ გვქონდა საქმე რაიმე მონტაჟთან, გამიზნულ ქმედებასთან, რომლის მიზანია დედაეკლესიის ფუნდამენტის შერყევა და ქვეყნის დემოკრატიულ განვითარებაზე შტურმი. რატომ ხდება, რომ ასეთი ბინძური რამ შემოგდებულია არჩევნებამდე ორი კვირით ადრე?!" - განაცხადა ალუდა ღუდუშაურმა.