„ეიპიემ ტერმინალს ფოთის" ინფორმაციით, ორი წლის განმავლობაში, კომპანიაში ადამიანის ჯანმრთელობის მნიშვნელოვანი დაზიანების შემთხვევა არ დაფიქსირებულა

"ეიპიემ ტერმინალს ფოთში" ორი წლის განმავლობაში ადამიანის ჯანმრთელობის მნიშვნელოვანი დაზიანების შემთხვევა არ დაფიქსირებულა. კომპანიამ ეს მიღწევა გლობალური უსაფრთხოების ღონისძიებაზე აღნიშნა, რითაც კიდევ ერთხელ გაუსვა ხაზი კომპანიის უმთავრეს პრიორიტეტს - უსაფრთხო სივრცისა და სამუშაო გარემოს შექმნა კომპანიის თანამშრომლებისთვის, მომხმარებლებისთვის და დაინტერესებული მხარეებისთვის, - ამის შესახებ ინფორმაციას "ეიპიემ ტერმინალს ფოთი" ავრცელებს.

მათივე ცნობით, გლობალური უსაფრთხოების დღესთან დაკავშირებით ფოთის საზღვაო ნავსადგურს "ეიპიემ ტერმინალსის" აღმასრულებელი დირექტორი მორტენ ენგელსტოფტი ეწვია, რომელმაც მკაფიოდ აღნიშნა, რომ უსაფრთხოების კულტურა ბიზნესის განუყოფელი ნაწილია.

,,ორი წელი ჯანმრთელობის დაზიანების სერიოზული შემთხვევის გარეშე ძალიან კარგი შედეგია და, მართლაც მიღწევაა. ვიმედოვნებ, რომ ასეთი შედეგი შეიძლება გამოყენებული იქნას მოტივაციის გასაზრდელად, რისკის სფეროების მონიტორინგის გასაგრძელებლად და აუცილებელი კონტროლის დანერგვისთვის საჭირო ნაბიჯების გადასადგმელად“, - განაცხადა "ეიპიემ ტერმინალსის" აღმასრულებელმა დირექტორმა მორტენ ენგელსტოფტმა.

„კავკასიისა და ცენტრალური აზიის ბაზრების კარიბჭე, "ეიპიემ ტერმინალს ფოთი" მნიშვნელოვან როლს ასრულებს საქართველოს ეკონომიკის განვითარებაში და ამ ხნის განმავლობაში ღირებული ინვესტიცია ჩადო მისი ინფრასტრუქტურის მოდერნიზაციაში, რამაც პორტის შესაძლებლობები გაზარდა. მისი წარმატებული ოპერაციები დიდწილად დამოკიდებულია კომპანიის უსაფრთხოების კულტურაზე, რის მისაღწევადაც კომპანიის შიგნით უწყვეტ რეჟიმში მიმდინარეობს პერსონალის გადამზადება და ინფრასტრუქტურის გაუმჯობესება.

აღსანიშნავია, რომ COVID -19 პანდემიის ფონზე, "ეიპიემ ტერმინალს ფოთი" სრული დატვირთვით ფუნქციონირებს და ამ ხნის მანძილზე საპორტო ოპერაციები უწყვეტ რეჟიმში მიმდინარეობს; პარალელურად, კომპანია მუდმივ რეჟიმში ზრუნავს თანამშრომლებისა და მომხმარებლების უსაფრთხოებაზე.

უსაფრთხოება არის "ეიპიემ ტერმინალსის" სტრატეგიის განუყოფელი ნაწილი, რომელიც ემყარება სამ სვეტს - უფრო უსაფრთხო, უკეთესი, უფრო დიდი. მიუხედავად იმისა, რომ უსაფრთხოების გლობალური დღე არის ყოველწლიური ღონისძიება, კომპანიაში ეს საკითხი ყოველდღიურად განსაკუთრებული ყურადღების ცენტრშია, რაც უსაფრთხოების გაუმჯობესების მნიშვნელოვანი საფუძველია“, - ნათქვამია ინფორმაციაში.

,,ძალიან მნიშვნელოვანია, გავაგრძელოთ არსებული უსაფრთხოების კულტურაზე მუშაობა, რომ არა მხოლოდ გონებით, არამედ გულითაც უსაფრთხოება გავხადოთ თითოეული თანამშრომლის ქმედების და ფიქრის განუყოფელი ნაწილი“, - განაცხადა ენგელსტოფტმა.

გიორგი კანაშვილი - თუ ოპოზიციამ ვერ მოახერხა დამატებითი ამომრჩევლის გამოყვანა, ხოლო „ოცნებამ“ სულ მცირე იგივე რაოდენობა გამოიყვანა, რაც პირველ ტურში, შედეგი ოპოზიციისთვის  მძიმე იქნება
ქართული პრესის მიმოხილვა 28.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გაიაქტიურეთ "სილქფესტის" საშემოდგომო შეთავაზებები შეუზღუდავად
მიიღე განსაკუთრებული შეთავაზებები მხოლოდ ოფიციალური Samsung-ის შეძენისას
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა