ახალგაზრდობის სააგენტო - ახალგაზრდული სფეროსთვის მნიშვნელოვანი, 33- თვიანი პროექტი "ევროკავშირი ახალგაზრდებისთვის" შემაჯამებელი ღონისძიებით დასრულდა

ახალგაზრდული სფეროსთვის მნიშვნელოვანი, 33 თვიანი პროექტის „ევროკავშირი ახალგაზრდებისთვის - ახალგაზრდების განათლების, დასაქმებისა და ჩართულობის ხელშეწყობა საქართველოსა და უკრაინის კონფლიქტით დაზარალებულ რეგიონებში“ შეჯამება დღეს გაიმართა. ამის შესახებ ინფორმაციას „ახალგაზრდობის სააგენტო“ ავრცელებს.

მათივე ცნობით, ღონისძიების პანელურ დისკუსიაში „ახალგაზრდობის სააგენტოს“ ხელმძღვანელი რეზო ჩარკვიანი და კვლევისა და ანალიზის დეპარტამენტის უფროსი ქართლოს ქარუმაძე ჩაერთვნენ.

„ღონისძიების პირველი ნაწილი პროექტის ფარგლებში ჩატარებული კვლევის შედეგების პრეზენტაციას, მეორე ნაწილი კი ახალგაზრდების დუალური განათლებისა და მეწარმეობის საკითხების განხილვას დაეთმო. ლტოლვილთა დანიის საბჭოს მიერ ჩატარებული კვლევა და გაზიარებული ესტონეთის საუკეთესო პრაქტიკა მნიშვნელოვანი კონტრიბუციაა, რომელსაც ახალგაზრდობის სააგენტო ახალგაზრდების დასაქმებისა და მეწარმეობის მიმართულებით სახელმწიფო ახალგაზრდულ სტრატეგიასა და სამოქმედო გეგმაში ასახავს.

ჩვენ მხარს ვუჭერთ და აქტიურად ვართ ჩართული ახალგაზრდულ სფეროში მიმდინარე ყველა პროცესში ვინაიდან, სამოქალაქო, მათ შორის საერთაშორისო და ადგილობრივი ასევე კერძო ორგანიზაციებისა და საჯარო სექტორის თანამშრომლობა მნიშვნელოვან როლს თამაშობს ახალგაზრდებისთვის მდგრადი და გრძელვადიანი შედეგების მქონე ახალგაზრდული სფეროს ეკოსისტემის მშენებლობაზე“, - ნათქვამია ინფორმაციაში.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება