სახელმწიფო მინისტრმა ლაგოდეხის, საგარეჯოსა და დედოფლისწყაროს ეთნიკური უმცირესობებით დასახლებულ სოფლებში მოსახლეობასთან შეხვედრები გამართა

შერიგებისა და სამოქალაქო თანასწორობის საკითხებში სახელმწიფო მინისტრი თეა ახვლედიანი კახეთის რეგიონში სამუშაო ვიზიტის ფარგლებში ეთნიკური უმცირესობებით მჭიდროდ დასახლებულ ყველა მუნიციპალიტეტში იმყოფებოდა, სადაც უზუნთულას, ხორნაბუჯის, ჭოეთისა და ლამბალოს მოსახლოებას შეხვდა. აღნიშნულ ინფორმაციას სახელმწიფო მინისტრის აპარატი ავრცელებს.

სახელმწიფო მინისტრმა ადგილობრივ მცხოვრებლებს აპარატის მიმდინარე საქმიანობა, სამომავლო გეგმები და ახალი ინიციატივები გააცნო და მათი საჭიროებები მოისმინა. შეხვედრებზე მსჯელობის ერთ-ერთი მთავარი თემა იყო COVID-19 პანდემიასთან დაკავშირებით ქვეყანაში შექმნილი ვითარება და ვირუსის გავრცელების პრევენციის მიზნით ვაქცინაციის პროცესის მნიშვნელობა.

„სახელმწიფო მინისტრმა ადგილობრივ მოსახლეობას ვაქცინაციისკენ მოუწოდა და აღნიშნა, რომ აცრა დღესდღეობით ერთადერთი ქმედითი საშუალებაა პანდემიის დასამარცხებლად. დედოფლისწყაროს მუნიციპალიტეტის სოფლებში მოსახლეობასთან შეხვედრებს პარლამენტის მაჟორიტარი დეპუტატი დავით სონღულაშვილიც ესწრებოდა.

თეა ახვლედიანმა სოფელ ჭოეთში ბოშათა თემთან გამართულ შეხვედრაზე ყურადღება გაამახვილა სახელმწიფო ენის ცოდნის და ბოშა ბავშვების ერთიან საგანმანათლებლო სივრცეში ჩართულობის მნიშვნელობაზე, ასევე მათ ინფორმაცია მიაწოდა სახელმწიფო პროგრამებისა და სერვისების შესახებ. სახელმწიფო მინისტრმა სამოქალაქო თანასწორობისა და ინტეგრაციის პოლიტიკის ფარგლებში ეთნიკური უმცირესობების წარმომადგენლების სრულყოფილი ინფორმირების მნიშვნელობასა და აუცილებლობაზე გაამახვილა ყურადღება და ადგილობრივებს ქართულ, სომხურ და აზერბაიჯანულ ენებზე ვაქცინაციასთან დაკავშირებით მომზადებული საინფორმაციო მასალები და სამედიცინო პირბადეები გადასცა.

„საგარეჯოს მუნიციპალიტეტის სოფელ ლამბალოში აზერბაიჯანულენოვან მოსახლეობასთან შეხვედრით სრულდება ჩემი სამუშაო ვიზიტი კახეთში, რომლის ფარგლებშიც ჩვენ გავმართეთ მრავალი შეხვედრა ეთნიკური უმცირესობებით მჭიდროდ დასახლებულ სოფლებში.

ვიზიტი ჯამში იყო ძალიან ნაყოფიერი, შედეგიანი და ძალიან დატვირთული. საზგასასმელი და მისასალმებელია, რომ თითოეულ შეხვედრაზე ადგილობრივი მოსახლეობისგან გამოიხატა მზარდი და მაღალი ინტერესი სახელმწიფო ენის ცოდნის დონის ამაღლების მიმართ, ისევე როგორც ჩვენი პოლიტიკის სტრატეგიული ამოცანების განხორციელების პროცესში ჩართულობის თვალსაზრისით. ჩვენ ასევე შევხვდით ბოშათა თემს და ვეწვიეთ დედოფლისწყაროს მუნიციპალიტეტის სოფელ ხორნაბუჯს, სადაც ჰარმონიულად ცხოვრობს მრავალი ეთნოსის - რუსული, უკრაინული, ბერძნული, აზერბაიჯანული, სომხური, ოსური ეთნოსის წარმომადგენლები და მათ ამ ეტაპზე უკვე აღარ გააჩნიათ სახელმწიფო ენის ცოდნის ბარიერი,“ - განაცხადა სახელმწიფო მინისტრმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს