ირაკლი კობახიძე - მეგის ქარდავა თავისით არაფერს  აკეთებდა, შემკვეთები იყვნენ სააკაშვილი, უგულავა, ადეიშვილი, მერაბიშვილი - იმედია, ჩამობრძანდება სააკაშვილი და გაუდგება იმ გზას, რომელსაც ქარდავა გავუყენეთ

მეგის ქარდავა თავისით არაფერს აკეთებდა. მთავარი შემკვეთები ბუნებრივია, იყვნენ სააკაშვილი, უგულავა, ადეიშვილი, მერაბიშვილი და სხვები - იმედია, თავისი ფეხით ჩამობრძანდება მიხეილ სააკაშვილი და გაუდგება იმ გზას, რომელსაც მეგის ქარდავა გავუყენეთ“,- ამის შესახებ „ქართული ოცნების“ თავმჯდომარემ ირაკლი კობახიძემ ჟურნალისტებთან საუბრისას განაცხადა, სადაც მეგის ქარდავას ექსტრადაციაზე ისაუბრა.

ჟურნალისტის კითხვაზე, როგორ შეაფასებს ის ოპოზიციის ნაწილის განცხადებას, რომ მეგის ქარდავას ექსტრადიცია წინასაარჩევნო კამპანიის ნაწილი იყო, კობახიძე განმარტავს, რომ „უკრაინის ხელისუფლება ქართულ წინასაარჩევნო კამპანიაში არავითარი ფორმით არ არის ჩართული”.

“ამ შემთხვევაში შედგა გარკვეული შეხვედრები, იყო კომუნიკაცია, თანამშრომლობა მეგობარ სახელმწიფოსთან, ჩვენს მეგობარ ქვეყანასთან და ამის საფუძველზე, სამართლებრივი პროცედურების მიხედვით განხორციელდა იმ პირის ექსტრადირება საქართველოში, რომელიც არის ბრალდებული და მსჯავრდებული უამრავ უმძიმეს დანაშაულში.

მე მგონია, რომ ეს არ არის საკმარისი. მთავარია, საბოლოო ჯამში, პასუხი აგონ მთავარმა დამნაშვეებმა, ესენი არიან შემკვეთები. მეგის ქარდავა თავისით არაფერს აკეთებდა. მთავარი შემკვეთები, ბუნებრივია, იყვნენ სააკაშვილი, უგულავა, ადეიშვილი, მერაბიშვილი და სხვები. რა თქმა უნდა, მთავარია მათი პასუხისმგებლობა. იმედია, თავისი ფეხით ჩამობრძანდება მიხეილ სააკაშვილი და გაუდგება იმ გზას, რომელსაც მეგის ქარდავა გავუყენეთ“,- აღნიშნავს კობახიძე.

ცნობისთვის, სამხედრო პოლიციის ყოფილი უფროსის, მეგის ქარდავას საქართველოში ექსტრადაცია გუშინ განხორციელდა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა