"ევროპული საქართველოს" ლიდერები ეუთო-ს საპარლამენტო ასამბლეის გენერალურ მდივანსა და სამხრეთ-კავკასიაში სპეციალურ წარმომადგენელს შეხვდნენ

ეუთო ამ არჩევნებს აკვირდება, დაახლოებით 350 დამკვირვებელი იქნება და ვფიქრობ, საერთაშორისო თანამეგობრობისთვის, ჩვენი ქვეყნისთვის, ჩვენი მოსახლეობისთვისაც ძალიან მნიშვნელოვანია, თუ როგორი დასკვნა გაკეთდება, - ამის შესახებ „ევროპული საქართველოს“ პოლიტსაბჭოს თავმჯდომარე, გიგი წერეთელმა ჟურნალისტებთან საუბრისას ეუთოს წარმომადგენლებთან შეხვედრის შესახებ განაცხადა.

მანვე აღნიშნა, რომ ეუთოსთვის ასევე მნიშვნელოვანი ნაწილია, კონფლიქტის დარეგულირება და ურთიერთობები რუსეთთან, მისი მოქმედებები საქართველოს წინააღმდეგ.

„ძალიან საინტერესო, ინფორმატიული შეხვედრა გამოდგა. ბუნებრივია საკითხები უპირველესად ეხებოდა იმ ვითარებას, რომელიც არის წინასაარჩევნოდ, ამ არჩევნების მნიშვნელობას და იმ მოვლენებს, რომლებიც ახლა ხდება, ჩვენ მივაწოდეთ დეტალური ინფორმაცია თუ რა პრობლემებია ამ არჩევნებისთვის და როგორია ხელისუფლების მოქმედების მოდელი, ასევე რამდენად დიდი მნიშვნელობა ექნება ამ არჩევნების კარგი სტანდარტით ჩატარებას, საერთაშორისო სტანდარტს ვგულისხმობ ბუნებრივია, რადგან ყველამ ძალიან კარგად ვიცით, რომ ეუთო ამ არჩევნებს აკვირდება, დაახლოებით 350 დამკვირვებელი იქნება და მე ვფიქრობ, რომ საერთაშორისო თანამეგობრობისთვის, ჩვენი ქვეყნისთვის, ჩვენი მოსახლეობისთვისაც ძალიან მნიშვნელოვანი იქნება თუ როგორი დასკვნა გაკეთდება ამ არჩევნების შესახებ. მეორე საკითხი ასევე ეხებოდა ზოგადად ქვეყანაში არსებულ ვითარებას, ეუთოსთვის ასევე მნიშვნელოვანი ნაწილია კონფლიქტის დარეგულირება, ურთიერთობები რუსეთთან, რუსეთის მოქმედებები საქართველოს წინააღმდეგ, იქნება ეს რბილი ძალა თუ სხვა ინსტრუმენტები, აგრესიული ჯგუფების მხარდაჭერა და ა.შ. ბევრი საკითხი იყო, რომელიც ჩვენ განვიხილეთ და ეს თანამშრომლობა გაგრძელდება, ინფორმაცია მათ დასჭირდებათ ხშირად და მათი განცხადებით ძალიან ინტენსიურად დააკვირდებიან ყველა იმ პროცესს, რომელიც წარიმართება საქართველოში არჩევნებამდე და არჩევნების შემდეგაც”,- განაცხადა წერეთელმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება