ანრი ოხანაშვილი ოპოზიციის საწინააღმდეგო ბანერებზე - წარმოაჩენს რეალურ სახეებს - გახარიასთან მიმართებაში, ალბათ, სხვა რამ უნდა დაემატოს

ამ ბანერებს დავუმატებდი სტრასბურგის სასამართლოს გადაწყვეტილების ამონარიდებს გირგვლიანის და ვაზაგაშვილის საქმეზე. იქ იქნებოდა ადგილი იმისთვის, რომ მათი რეალური სახე გამყარებულიყო , - ამის შესახებ საქართველოს პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა ჟურნალისტებს იმ ბანერებთან დაკავშირებით განუცხადა, სადაც ოპოზიციის რამდენიმე ლიდერია გამოსახული წარწერით - „არა ნაცებს, არა ბოროტებას! არა ღალატს!“.

ოხანაშვილის თქმით, ეს იმ ხალხის რეალური სახეა, ვინც ბანერზეა გამოსახული.

"მე ამ ბანერებს დავუმატებდი სტრასბურგის სასამართლოს გადაწყვეტილების ამონარიდებს გირგვლიანის და ვაზაგაშვილის საქმეზე და ა.შ. იქ იქნებოდა ადგილი იმისთვის, რომ მათი რეალური სახე გამყარებულიყო. ჩვენ ორიენტირებული ვართ საქმეზე და ამომრჩეველს ვთავაზობთ კონკრეტულ პროგრამას არჩევნებისთვის, თუმცა რადიკალური პოლიტიკური ჯგუფები ირჩევენ რადიკალიზაციის გზას და სიძულვილის ენას" , - განაცხადა ოხანაშვილმა და ჟურნალისტის კითხვაზე გაკრული ბანერები აღრმავებს თუ არა სიძულვილის ენას აღნიშნა, რომ ეს არანაირ სიძულვილს არ აღრმავებს და ეს არის იმ ხალხის რეალური სახე, ვინც ბანერზეა გამოსახული.

"ვინც ამის გაკვრა გადაწყვიტა, ეს წარმოაჩენს იმ რეალურ სახეებს, ვინც იქ არის. გახარიასთან მიმართებაში, ალბათ, სხვა რამ უნდა დაემატოს", - განაცხადა ოხანაშვილმა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა