ნინო ლომჯარია ჩანაწერებზე - ჩემს უწყებაში ასეთი რამ რომ მომხდარიყო, ალბათ, სირცხვილით გარეთ ვერ გამოვიდოდი - არ ვიცი, თუნდაც ოპოზიცია რანაირად აგრძელებს მშვიდად მუშაობას

ჩემს უწყებაში ასეთი რამ რომ მომხდარიყო, ალბათ, სირცხვილით ვერ გამოვიდოდი გარეთ,- ამის შესახებ სახალხო დამცველმა ნინო ლომჯარიამ „პალიტრანიუსის“ გადაცემაში „პოლიტ-ქალაქი“ განაცხადა, რითაც უპასუხა ფარულ ჩანაწერებთან დაკავშირებით სუს-ის უფროსის გრიგოლ ლილუაშვილის პასუხისმგებლობის საკითხთან დაკავშირებით დასმულ კითხვას.

ნინო ლომჯარიას თქმით, სულ მცირე მან საზოგადოებას უნდა მიაწოდოს ინფორმაცია, რატომ გვისმენდნენ.

„ვერ წარმომიდგენია, იყო იმ უწყების ხელმღვანელი, სადაც ასეთი კრახი, სისტემის კრახი მოხდა, არ ვიცი... მთავარი ხომ თანამდებობა არ არის, მთავარია, რა სისტემას ქმნი, რა საქმეს აკეთებ, რამდენად ძლიერ ინსტიტუტებს აკეთებ. ჩემს უწყებაში ასეთი რამ რომ მომხდარიყო, ალბათ, სირცხვილით ვერ გამოვიდოდი გარეთ. არ ვიცი, ეს ადამიანი რას ფიქრობს, სულ მცირე მგონია, რომ უნდა გამოვიდეს და ადამიანებს დაგველაპარაკოს. გვითხრას, რატომ გროვდებოდა ეს ინფორმაცია. არ უნდა მოგვაწოდოს ინფორმაცია ადამიანმა, რომელიც არის ჩვენი თითოეული მოქალაქის უსაფრთხოებაზე პასუხისმგებელი, რა ხდებოდა, რატომ გვისმენდნენ, არ ვიმსახურებთ განმარტებას?“, - განაცხადა ლომჯარიამ.

ამასთან ომბუდსმენმა გაკვირვება გამოხატა, როგორც აგრძელებს ოპოზიცია მშვიდად მუშაობას.

„ჩვენთან არცერთი დემოკრატიული ინსტიტუტი არ მუშაობს, პირველ რიგში პარლამენტი. ნებისმიერ ქვეყანაში პირველი, რაც მოხდებოდა მსგავსი სკანდალის შემდგომ, შეიქმნებოდა საგამოძიებო კომისია. მეორე დღესვე დაიბარებდნენ უსაფრთხოების სამსახურს. როგორც ჩანს, არც ოპოზიციას არ აქვს ამის შესაძლებლობა. ყველა არის გადართული წინასაარჩევნო რეჟიმში და ჰგონიათ, რომ ის კამპანია უფრო მნიშნველოვანია, ვიდრე ამ საკთხზე მწვავე პოლიტიკური დებატები და ა.შ. არ ვიცი, თუნდაც ოპოზიცია რანაირად აგრძელებს მშვიდად მუშაობას, როდესაც მე, როგორც მოქალაქეს მჭირდება, რომ ამ საკითხზე სადღაც, რაღაცა სივრცეში ვიხილო პოლიტიკური და სამართლებრივი დისკუსია და დებატები. ამხელა სკანდალი მოხდა, გასაგებია, მედია, ჩვენც ვაპროტესტებთ, მაგრამ ინსტიტუტებმა შეიმჩნიეს, რომ ასეთი რაღაც ხდებოდა? - თითქოს არაფერი მოხდა, გაუბრალოება მოხდა ამ ყველაფერის“, - აცხადებს ლომჯარია.

რაც შეეხება ეკლესიის პოზიციას, ნინო ლომჯარიას თქმით, აღნიშნულ საკითხში მათი უფრო მკვეთრი პოზიცია არის მნიშვნელოვანი.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 28.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ