პარტია „მოქალაქეებმა“, სავარაუდოდ, სუს-დან გაჟონილი ფარული მოსმენა-მიყურადების საკითხზე პარლამენტის რიგგარეშე სხდომის მოწვევის მოთხოვნას ხელი მოაწერა.
როგორც პარლამენტის ვიცე-სპიკერი ლევან იოსელიანი აცხადებს, ბოლო პერიოდში განვითარებული მოვლენები იმსახურებს იმას, რომ პოლიტიკური დებატები გაიმართოს და პარტიებმა მომხდართან დაკავშირებით საკუთარი აზრი გამოთქვან.
„მოქალაქეებს მეტი ინფორმაცია და სიცხადე უნდა ჰქონდეთ. ამიტომ, ვიზიარებთ მოსაზრებას, მოწვეულ იყოს პარლამენტის რიგგარეშე სხდომა და დეპუტატთა კითხვებს პასუხი სუს-ის უფროსმა გრიგოლ ლილუაშვილმა გასცეს", - განაცხადა ლევან იოსელიანმა.
უკანონო ფარული მოსმენების თემაზე პარლამენტის რიგგარეშე სხდომის მოწვევის ინიციატივა ფრაქცია „ლელო-პარტნიორობა საქართველოსთვის“ ეკუთვნის. ფრაქცია ამ მოთხოვნით დეპუტატთა ხელმოწერებს აგროვებს.