თაზო დათუნაშვილი - თბილისს წიგნის დედაქალაქის სტატუსი 31 დეკემბრამდე აქვს, თუმცა კალაძე მხოლოდ თავის თავზე ფიქრობს და ამ ინფორმაციას ბილბორებიდან აქრობს

კახა, ჩემო უწიგნურო მეგობარო, თბილისს წიგნის დედაქალაქის სტატუსი ერთი წლით მისცეს, კალენდარული წელი 31 დეკემბერს მთავრდება , - ამის შესახებ "ლელოს" კრწანისის მაჟორიტარი დეპუტატობის კანდიდატმა თაზო დათუნაშვილმა განაცხადა.

როგორც „ინტერპრესნიუსს“ „ლელო საქართველოდან“ აცნობეს, დათუნაშვილი გამოეხმაურა კახა კალაძის განცხადებას, რომელიც მან ბანერების საკითხზე „ლელოს“ მისამართით გააკეთა.

ამასთან, „ლელოს“ ცნობით, დათუნაშვილი აცხადებს,რომ ის ყოველთვის თავს არიდებდა, კახა კალაძის "გაუნათლებლობაზე" ლაპარაკს, მაგრამ რადგან, დისტანციურად და ტელევიზიების საშუალებით დაიწყო დებატები დათუნაშვილი თვლის, რომ პასუხი დასაბრუნებელია.

„კახა, ჩემო უწიგნურო მეგობარო, თბილისს წიგნის დედაქალაქის სტატუსი ერთი წლით მისცეს, კალენდარული წელი 31 დეკემბერს მთავრდება.

ეს წელიც არ იქნება გამონაკლისი, ამიტომ ბანერი, რომელიც თბილისელებს და ჩვენი ქალაქის სტუმრებს ამცნობდა იმას, რომ თბილისი წიგნის დედაქალაქია, უნდა დარჩენილიყო თავის ადგილას 31 დეკემბრამდე. შენი ცარიელი თავი და უმეტყველო ფიზიონომია - აი, ამიტომ არ უნდა გადაგეკრა, ამ კონკრეტულ ბანერებზე. მინდა პირადად მივმართო მოქმედ მერს და ავუხსნა, არ მეზარება, ალბათ, მისთვის წაკითხულის შინაარსის გაგება ცოტა უფრო რთულია ვიდრე ფულის მოპარვა და ბურთის დევნა", - აცხადებს დათუნაშვილი.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება