ანდრია ბასილაია - იგეგმება 4 მუზეუმის,  6 სახელოვნებო სკოლისა და  8 ბიბლიოთეკის რეაბილიტაცია

თბილისის მერად „ქართული ოცნების“ კანდიდატის კახა კალაძის ხელმეორედ არჩევის შემთხვევაში, მომდევნო 4 წლის განმავლობაში, რეაბილიტაცია ჩაუტარდება 4 მუზეუმს, 6 სახელოვნებო სკოლას და 8 ბიბლიოთეკას.

ამის შესახებ თბილისის მერის მოადგილემ ანდრია ბასილაიამ დღეს კულტურის, განათლების, სპორტისა და ახალგაზრდობის პოლიტიკის ძირითადი პროგრამების პრეზენტაციაზე განაცხადა.

მისი თქმით, მომდევნო 4 წლის განმავლობაში ქალაქში არსებული ყველა მუზეუმის რეაბილიტაცია მოხდება.

„მომდევნო 4 წლის განმავლობაში ჩვენ ვაპირებთ, რომ ყველა ის მუზეუმი, რომელიც ქალაქს გააჩნია, რეაბილიტირებული იყოს. გამოვყოფდი მერაბ კოსტავას მუზეუმს. სამწუხაროდ, ამ სივრცის დიდი ნაწილი, წლებია, კერძო საკუთრებაში იყო, თუმცა ჩვენ ის გამოვისყიდეთ, უკვე პროექტირებას ვასრულებთ და მომავალ წელს ჩვენს ეროვნულ გმირს მერაბ კოსტავას ღირსეული მუზეუმი ექნება დედაქალაქში. გარდა ამისა, გავაგრძელებთ სახელოვნებო სკოლების და ბიბლიოთეკების რეაბილიტაციას. რამდენიმე დღის წინ გავხსენით ძალიან კარგი რეაბილიტირებული ბიბლიოთეკა ჭავჭავაძის გამზირზე. ასევე, დავასრულეთ ბიბლიოთეკის რეაბილიტაცია ლილოს დასახლებაში და ამ პროექტს მომავალშიც გავაგრძელებთ. ჩვენი მიზანია, ქალაქში ყველა ბიბლიოთეკის რეაბილიტაცია განვახორციელოთ“, - განაცხადა ანდრია ბასილაიამ.

გარდა ამისა, მისივე თქმით, კახა კალაძის არჩევის შემთხვევაში, მნიშვნელოვანი პრიორიტეტი იქნება თეატრებისა და მუზეუმების მიმართულება, კერძოდ, რეაბილიტირდება და განახლდება ახმეტელის თეატრი; მის ბაზაზე დაარსდება ინკლუზიური თეატრი, რომელიც რეგიონისთვის უნიკალური იქნება; დაიწყება ამირან შალიკაშვილის სახელობის პანტომიმის თეატრის მშენებლობა; გამოიყოფა სივრცე თბილისის სათამაშოებისა და თოჯინების მუზეუმისათვის; ილია ჭავჭავაძის ლიტერატურულ-მემორიალურ მუზეუმში აღდგება პირველი ქართული სანოტო სტამბა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება