ხატია დეკანოიძემ ე.წ. სისხლიანი ბანერები გააპროტესტა და საოლქო კომისიაში საჩივარი შეიტანა

„ნაციონალური მოძრაობის“ ქუთაისის მერობის კანდიდატმა ხატია დეკანოიძემ საოლქო კომისიაში საჩივარი შეიტანა. ხატია დეკანოიძემ თანაგუნდელებთან ერთად ე.წ. სისხლიანი ბანერები გააპროტესტა. დეკანოიძის თქმით, აღნიშნული ბანერების გაკვრით, საარჩევნო კანონმდებლობა ირღვევა, ასევე ხდება სიძულვილის ენის ტირაჟირება.

ოპოზიცია საოლქო კომისიისგან სათანადო რეაგირებას მოითხოვს.

"ქუთაისში ყოველდღე იმატებს ზიზღის შემცველი ბანერები. ჩვენ სარჩელი შევიტანეთ, მოგეხსენებათ, ხელისუფლება ამბობს, ჩვენ არაფერ შუაში ვართო, თუმცა როგორც კი ამ ბანერებს აქტივისტებმა ნაჭერი გადააფარეს, პოლიციამ მაშინვე ჩამოხსნა, რაც ნიშნავს იმას, რომ ჩართულია სახელმწიფო. ყველაფერთან ერთად ირღვევა ბავშვთა უფლებები, რომლებიც სისხლიან ბანერებს ხედავენ, ასევე დარღვეულია „საარჩევნო კოდექსი“. მივმართავთ საოლქო კომისიას, რომ დაუშვებელია, საარჩევნო კამპანია შეიცავდეს ზიზღს და ძალადობის პროპაგანდას, ამიტომ მოვუწოდებთ დაუყოვნებლივ მოხდეს რეაგირება", - აცხადებს ხატია დეკანოიძე.

ქუთაისის 59-ე საოლქო კომისიის თავმჯდომარის ინფორმაციით, დღეს შევიდა ოპოზიციის საჩივარი ბანერებთან დაკავშირებით. ლარინა ლალიაშვილი აცხადებს, რომ კანონმდებლობის შესაბამისად დაიწყება განხილვა და ათი დღის ვადაში მოხდება რეაგირება.

იხილეთ ვიდეო:ხატია დეკანოიძემ საოლქო კომისიაში საჩივარი შეიტანა

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა