თინა ბოკუჩავა, ე.წ. ფარულ ჩანაწერებთან დაკავშირებით, სასამართლოში მაგისტრატი მოსამართლის თანდასწრებით აძლევს ჩვენებას

თბილისის საქალაქო სასამართლოში „ერთიანი ნაციონალური მოძრაობის“ წევრის, თინა ბოკუჩავას დაკითხვა მიმდინარეობს.

ბოკუჩავა მაგისტრატი მოსამართლის თანდასწრებით ე.წ. ფარულ ჩანაწერებთან დაკავშირებით აძლევს ჩვენებას.

როგორც ბოკუჩავა აცხადებს, ის ფარულ ჩანაწერებში ფიგურირებს, თუმცა, არ აპირებს, გამოძიებას აღნიშნული ინფორმაციის მიღების წყარო დაუსახელოს.

„ამ კრებსებში, ერთ-ერთ ეპიზოდში როგორც ჩანს, ვფიგურირებ. თუმცა, სადეპუტატო საქმიანობის ფარგლებში უფლება მაქვს, რომ აღნიშნულ წყაროსთან დაკავშირებით გამოძიებას ინფორმაცია არ მივაწოდო. პროკურატურა თავად დამიკავშირდა ჩემ საჯარო განცხადებებზე დაყრდნობით, თუმცა, მე ვაპირებდი მათთვის მიმართვას, რომ გამოძიება დაწყებულიყო, რადგან საფუძვლიანი ეჭვი არსებობს, რომ ჩემი საუბრები იწერებოდა.

საუბარია არა მხოლოდ ერთი დეპუტატის მიყურადებაზე, საუბარია სისტემურ უკანონო მოსმენებზე. რა თქმა უნდა, ამ პროკურატურის და სასამართლოს იმედი არ მაქვს, ნდობა არ მქონდა პროკურატურისაც, ვინაიდან ეს ივანიშვილის ხელში პოლიტიკური დევნის იარაღია, იქ გამოკითხვაზე უარი ვთქვი და სასამართლოს წინაშე მოვითხოვე დაკითხვა. მოსამართლე კალატოზიშვილი, რომლის წინაშეც უნდა დავიკითხო, პოლიტიკურ საქმეებში ფიგურირებს და არ ერიდება პოლიტიკური დაკვეთების შესრულებას. ამიტომ შემიძლია განვაცხადო, რომ ამ გამოძიების მიმართ მაღალი სანდოობა ნამდვილად ვერ მექნება, თუმცა, ფორმალურად და პროცესუალურად ნამდვილად მნიშვნელოვანია, რომ ამ პროცესს მივყვეთ",- განაცხადა ბოკუჩავამ.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა